Гуырдзыстоны президент Михаил Хъавелашвили, Гуырдзыстоны премьер-министр æмæ парламенты сæрдары раразмæгондæй, культурон сферайы минæвæртты Гуырдзыстоны паддзахадон хорзæхтæй, уæлдæрдзинады ордентæй æмæ кады ордентæй схорзæхджын кодта. Уый фæдыл информаци президенты администраци парахат кæны.
Администрацийы информацимæ гæсгæ, лауреаттæн лæвæрд æрцыд паддзахадон хорзæхтæ культурæйы сферайы егъау æнтыстытæ æмæ Гуырдзыстонæн егъау хайбавæрды тыххæй, афтæ дæр сæрмагонд хайбавæрды тыххæй культурæйы рæзынадмæ.
«Алы дугæн дæр ис йæхи зынгæ хъайтартæ, кæцытæ тыхсынц нæ культурон бынтæ ноджы фæхъæздыгдæр кæныныл æмæ сæ фидæны фæлтæртæм адæттыныл.Абон, сымах стут уыцы адæймæгтæ, кæцытæ сæхимæ райстой ацы кадджын хæс æмæ цытджынæй æххæст кæнынц ацы æхсæнадон куыст!Уый тыххæй дæр мæнæн стыр кад у, цæмæй мын фадат фæзынд, цæмæй уæ схорзæхджын кæнон Намысы ордентæй Гуырдзыстоны номæй, уæ адæмы æмæ паддзахады сæраппонд егъаудæр хайбавæрд культурæйы размæцыдмæ арфæ уын кæнын æмæ ноджы иу хатт, æнæхъæн нацийы номæй, бузныг зæгъын нæ бæстæйы æмæ адæмы раз уæ хайбавæрды тыххæй», -расидтис Кавелашвили. «Президенты галуаны уагъд мадзалы хайад райстой премьер-министр Ираклий Къобахидзе, парламенты сæрдар Шалва Папуашвили, культурæйы министр Тинатин Рухадзе æмæ культурæйы сферайы минæвæрттæ» -ис фыст президенты администрацийы фидиуæны.