Гуырдзыстоны президент, Михаил Хъавелашвили, Сербаг Республикæйы президент Александр Вучичимæ лæгæй-лæгмæ фембæлд сарæзта.

Гуырдзыстоны президенты пресс-куыстуаты информацимæ гæсгæ, фембæлдыл фарсытæ дыууæ бæстæйы æхсæн æнгом хæларадон бастдзинæдтыл, культурон хæстæгдзинадыл, иумæйаг аргъдзинæдтыл æмæ нырыккон геополитикон æртхъирæнтыл фæныхас кодтой. Афтæ дæр фæныхас кодтой Гуырдзыстон æмæ Сербийы æхсæн политикон, экономикон, технологион, ахуырадон æмæ зонадон-иртасæн сферæты æмкуыстдзинад фæарфдæр кæныныл.

«Фембæлды рæстæджы лидертæ æркастысты дыууæ бæстæйы цæугæ политикон процесстæм, афтæ дæр æрæвнæлдтой дунеон сабырад, æдасдзинад æмæ стабилондзинад сифтонг кæныны нысаниуæгмæ.Хъусинаг уыд, цæмæй дунеон фæтк æмæ тыхы балансы фундаменталон трансформацийы фоныл, дыууæ регионы дæр стабилондзинад æмæ сабырад бахъахъхъæнын сæрмагонд актуалондзинад райсы.

Гуырдзыстоны президент бахахх кодта, цæмæй Гуырдзыстон, куыд «Астæуккаг къæлидоры» иуæй-иу сæйраг зæнг, цымыдис кæны Ныгуылæн Балканы регионимæ йæ партнердзинад рауæрæх кæна, кæцы ахъаз уыдзæн Европæ æмæ Азийы æхсæн транспортон æмæ логистикон бастдзинæдты рæзтæн.

Гуырдзыстоны президент бузныг расидтис Сербаг Республикæйы президентæн Гуырдзыстоны территорион æнæхъæндзинад æмæ суверенитетæн фидар фарсылхæцындзинады тыххæй. Фембæлды фæстæ президент Александр Вучич ныууагъта зæрдылдарæн фыстæг Орбелианийы галуаны цытджын уазджыты чиныджы», -ис фыст хыгъдлæвæрды.