Æндæр  бæстæты  мид хъуыддæгты нæхи нæ тъыссæм,  официалон  æмвæзадыл  æнхъарæм Гуырдзыстоны  хицауадæн, раттут  нын  Михеил Саакашвилийы, – уый фæдыл  Украинайы   президенты  администрацийы  уынаффæгæнæг, Михайло Подоляк   райхъусын кодта.

Подолякы дзырдæй,   зæгъгæ сæ позици у,   цæмæй   Гуырдзыстоны хицауады кæд нæ фæнды  Саакашвилийы  Украинайæн   адæттын,  уæд кæцыфæнды  европаг бæстæмæ  адæттæт.

Уыимæ  Украинайы   президенты администрацийы уынаффæгæнæг  хуъсын кæны,  цæмæй Саакашвилийы  Украинайæн  адæттынæн, Уæрæсейы  æрдгæй   æфсæддон агрессийы  цæстæнгасæй, ницы  фæтсиуæг  уыдзæн.

«Украинайы президент Володимир Зеленскимæ ис нысаниуæгджын позици,  Уæрæсейæн   хъауджыйæ, ма æндæр бæстæты  мид  хуъыддæгты нæхи нæ  тъыссæм. Ницы уынаффæтæ   дæттæм. Уый у  иттæг нысаниуæгджын  параметр. Официалон æмвæзадыл æнхъарæм  Гуырдзыстоны  хицауадæн, радæттæт нæм  Саакашвилийы.  Стыр симпатийæ  дæн Михеил Саакашвилимæ.  Цыт  йын кæнын  уымæн  æмæ историон   масштабы фигурæ у. Нæ  официалон позици у, раддæтæт нæм Саакашвилийы    хискæныны  нысанæн.   Уæрæсейы æрдгæй  æфсæддон агрессийы  цæстæнгасæй   ницы фæстиуæг  уыдзæн,  бæлвырд уын дзурæм.  Æрмæст   кæд уæ нæ фæнды комкоммæ Украианйæн  радæттын,  уæд æй арвитут  кæцыфæнды  æртыккаг Европаг  бæстæмæ,  цы ран ис  гæнæн  уымæн æмбæлгæйæ  схос кæнын,  цæй гæнæн, хъыгагæн  нæй  Гуырдзыстоны.  Уый  официалон позицийы тыххæй куы зæгъæм, кæцыйы арæх  фиксир кæнæм, бирæ  каналтæй уый нымæцы  дипломатонæй.  Президент Зеленски æмæ æндæр   номдзыд адæймæгтæ дæр уый фæдыл  аразынц  фидиуæнтæ», –   райхъусын кодта Подоляк.

Подолякы  дзырдæй, йæ хисæрмагонд  позици  официалонæй бирæ  радикалондæр у æмæ нымайы, цæмæй  «Гуырдзыстоны  хицауады   барæй  фæдыл, историйы  Гуырдзыстон  бакæна  паддзахадæй, кæцы йæ президенты  ахæстоны  хъизæмарæй  барæй мардта».

«Мæхи позицийы  тыххæй куы зæгъон, уæд уый бирæ радикалондæр у.  Мæ хъуыдымæ гæсгæ,  Гуырдзыстоны  хицауады  фæнды, Гуырдзыстон  историмæ бахæсса  сау къæмау,  –  паддзахадæй, кæцы  йæ  президенты ахæстоны хъизæмарæй барæй мардта.  Афтæ мæм кæсы сæрмагондæй  мæнмæ. Æз  сын   хуымæтæг  уынаффæ дæттын, хиитъыссынæй  цух, комкоммæ сын дзурын –   нырыккон хицауады,  æмтгæй зæгъгæйæ  паддзахады  минæвæрттæ,  хицаугæнæг партийы  депутаттæ, партийы, кæцыйæн цæмæндæр афтæ  тыхджын сæ зæрдæмæ  цæуы Уæрæсе, афтæ ма ракæнут æмæ уæхи Гурдзыстоны  историйы  сау  дамгъæтæй ныффыссат.  Оптималон  вариант у, раддат нæм æй  кæцыфæнды бæстæйæн, кæд уæ  фæнды,  уæд мæхæдæг æрцæудзынæн æмæ йæ ракæндзынæн, уый нæу  проблемæ.  Æрмæст мæ  фæнды  сæ мотиваци бамбарын», –  райхъусын кодта Подоляк.