Украинаг медийы хъусинагæй,   Украинайы  арæны хъахъхъæды куысты  Саакашвили Украинайы территорийæ куыд рахызтис,   уыцы  фактыл райдыдта  мидуагдонон фæдагуырд. Уый фæдыл   украинаг  рауагъдад « Цензор»  сæрмагонд   ратæдзæныл æнцойæ  хъусын кæны.

«Фыццаг октябры Гуырдзыстоны æрцахстой бæстæйы раздæры  президент Михеил Саакашвилийы, кæцы агуырды  уыд  тугтæрхоны кодексы  æртæ статийæ æмæ  йыл  бакодтой  ног хъуыддаг  – Гуырдзыстоны паддзахадон арæны  æнæзакъононæй  рахизыны  аххосагæй», –  фыссы  «Цензор-нет»-ы  редактор  Юрий Бутусив.

Афтæма йæ ныхæстæм  гæсгæ, уый тыххæй  Украинайæ Саакашвилийы рацыды  фактыл  мидуагдонон  фæдагуырд  райдыдта Украинайы  арæны хъахъхъæды   куыст дæр, уымæн æмæ Саакашвилийы  Украинайы  рацыд никуы  фиксир кæны.  «Цензор-нет»-ы   информацийæ,   æрцæугæйы  тыххæй рæстæгмæ  аскуыдтой  йæ кусæн æххæстбартæ  Украинайы  арæны хъахъхъæды  куысты  Одессæйы  уагдоны  хистæрæн  æмæ Украинайы  хицауад тыхыбын бауыдзæн   æмбарынгæнæнтæ раттын  Гуырдзыстоны хицауадæн, цæмæй  куыд   æрцыд Саакашвили Гуырдзыстоны афтæ, æмæ уыйы украинаг арæнхъахъхъæджытæ  нæ фæфиппайдтой.