Уæрæсе Украинайыл   масштабон  бырст сыххæст кодта –   бомбæтæ  калдта   бæстæйы  сæйраг горæт Киевыл. Украинаг медиайы  информацийæ,  Киевы 18 уæладзыгон  цæрæн корпусыл бомбæкалды  фæстиуæгæн иууыл цъус  фараст адæймаг   фæцæф ис.

Киевы  мэр Виталий Кличко  хъусын кæны, цæмæй  цæфты рынчындæттæм фæхæццæ кодтой.

Уæрæсейы   оккупацион тыхты бырсты фæстиуæгæн ис амæттаг  горæт  Миколаивыю  Бынæттон  хицауады  информацийæ,  цæрæн  зонæйы   бырст   ракетæтæй æмæ æнæпилот  тæхæн аппараттæй  сыххæст ис.   Бомбæкалды фæстиуæгæн  20-ы онг  хæдзар базиан ис, фæлæ  сыгъд фæзындис  газдадзæныл.

Украианйы территорийыл  Уæрæсейы æбалгъ массон   ракетон   хафты рæстæджы  бомбæкалд сыххæст Львовы регионыл дæр.  Бырсты фæтсиуæгæн базиан ис  кондадон объект.

Украинайы президент Володимир Зеленскийы  фидиуæнæй,  Уæрæсе   бырст  сыххæст кодта  бæстæйы  æхсæз регионыл.  Украинайы  æфсады  сæрдары  Валерий Залужныйы фидиуæнæй, Уæрæсейы   бырсты рæстæджы  æнæпилот тæхæн аппараттæй,  уæлдæфон  æмæ  денджызон  базæйы  базырджын ракетæтæй, баллистикон ракетæтæй æмæ «С300» типы ракетæтæй  сыххæст кодта.  Украинайы   уæлдæфон иргъæфы тыхтæ  29 базырджын ракета æмæ  15 æнæпилот тæхæн аппараты сæнæзианхъом кодтой.