Дунайы  донбылы  уæвæг  портон горæт Измаилыл, Уæрæсе дронтæй  цы  бырст сыххæст кодта  уый фæстиуæгæн, 13 000 тоннæ  хор  скуынæг ис.  Уый фæдыл  информаци  агентад «Ройтер»  хъусын кæны.

Украинайы  вице-премьер  Александр  Кубраков  «Телеграмм-каналыл»  куыд фыссы  афтæмæй,   Уæрæсейы  бырсты фæстиуæгæн  Измаилы  порты  экспортон  потенциал  15%-æй  фæкаддæрис.

«Уæрæсе систематон хафтытæ ракæны  мæнæуы æмæ æндæр хоры  æвæрæнтыл,  цæмæй украинаг  хъæууон-хæдзарадон  продукцийы экспорт фæурома», –  райхъусын кодта Кубраков.

Украинайы  хицауады хъусинагæй,  Уæрæсейы  дронтæй  сæххæст  бырстытæ   знон  æхсæв æртæ сахат даргъ кодтой.  Украинаг æфсæддæттæ  фараст æнæпилот тæхæн аппараты  рыппæрстой.