Гуырдзыстоны цы æвдисæн стæм, уый дард у, Евроцæдис кандидат бæстæйæ цы æнхъæлмæ кæсы, уымæй. Гуырдзыстоны демокративон бындуртæ бонæй-бонмæ хæлынц – уый фæдыл Евроцæдисы комиссар Марта Кос Европарламенты Гуырдзыстоны фæдыл дебатты рæстæджы райхъусын кодта.
Йæ ныхæстæм гæсгæ, хицауады репрессивон архайдтытæ ныхмæлæуд кæнынц Евроцæдисы аргъдзинæдтæ æмæ принциптæн.
«Гуырдзиаг Бæллиццы» режим бæстæйы проевропæйаг оппозици æмæ æмбæстагон æхсæнады ныхмæ сеппæтæй драмон æфхæрд райдыдта. Фæстаг къуыриты дæргъы цалдæр оппозицийы лидеры æрцахстой, æмбæстагон æхсæнады организацитæ æмæ хæдбар медиа та æнæрлæугæйæ æхсынц. Хицауад дарддæр кæны ног репрессивон закъондæттынад æнæ æмбæлон æхсæнадон консультацитæй, æмæ хицауады репрессивон архайдтытæ ныхмæлæуд кæнынц Евроцæдисы аргъдзинæдтæ æмæ принциптæн. Евроцæдис хъуамæ æххæст кæна нысаниуæгджын роль Гуырдзыстоны æмбæстагон æхсæнады æмæ хæдбар медийы фарсылхæцындзинады. Гуырдзыстоны кризисы райдайæнæй, Еврокамис нысаниуæгджынæй фæкарздæр кодта тыхархайд æмæ ныртæккæ æххæст кæны æмбæстагон æхсæнадæн æххуысы проекттæ, кæцыты аргъ у 46 милуан евро, уæлæмхасæн 32 милуан евро æввахс рæстæджы уыдзæн лæвæрд, Евроцæдисы уæнг бæстæты сразыдзинадæй. Фæлæ нæ разы лæууы серьезон фарста, куыд хъуамæ ифтонг кæнæм финанскæнынад æмбæстагон æхсæнадæн, цæмæй Гуырдзыстоны хицауады æрдыгæй дарддæры репресситæ ма уа. Фæнды мæ бæлвырдæй зæгъон, цæмæй мах баззайæм æнæзивæгæй, цæмæй ссарæм хуыздæр фæндæгтæ, цæмæй нæ æххуыс бахæццæ уа Гуырдзыстоны æмбæстагон æхсæнадмæ æмæ медиамæ, сæ æдасдзинадæн тæссагдзинад нæ хæсгæйæ», -расидтис Марта Къос.