Хъазахъхъаг авиакомпани AIR ASTANA 27-æм майæ Тбилисы æхсæнадæмон аэропорты ног маршрут скусдзæн – авиакомпани Атырауйæ Тбилисмæ къуыри æртæ хатт рейстæ æххæст кæндзæн. Экономикæйы министры хæдивæг Мариам Квривишвилийы расидæнмæ гæсгæ, Атырау æмæ Тбилисы æхсæн уæлдæфон бастдзинады бафтыд бæрæг кæны уыцы факт, цæмæй хъазахъхъаг туристтæй гуырдзиаг туристон продукттæм æркуырд рæзы.

Банысанкæнинаг у, цæмæй 2024-æм азы Хъазахстанæй 178 930 æхсæнадæмон уазæг æрцыд Гуырдзыстонмæ, хъазахъхъаг авиакомпаниты хай базары 3.9% аххæссыд.

Экономикæйы æмæ æнæфæцудгæ рæзынады министрады информацийæ, афтæ дæр нысаниуæгджын у, цæмæй Астæуккаг Азийы сеппæтæй стырдæр авиакомпани «Эйр Астана» сæрдыгон сезоны Алматы-Тбилисмæ комкоммæ рейстæ сыххæст кæндзæн, къуырийы мидæг 9 арæхдзинадæй. Авиакомпани Гуырдзыстоны сæйраг сахармæ бон дыууæ хатт майрæмбон æмæ сабаты атахдзæн.

Минитсрады информацимæ гæсгæ, Алматы-Батумы маршрутыл сезонон рейстæ июнæй сног уыдзысты æртæ къуырион арæхдзинадæй, июлы-августы периоды та, авиакомпани хъуыды кæны арæхдзинæдтæ фондз къуырион арæхдзинадмæ фæфылдæр кæныныл. «Эйр Астана» афтæ дæр июны мæйæ Тбилис æмæ Хъазахстаны сæйраг сахар Астанайы æхсæн рейстæ сног кæндзæн æртæ къуырион арæхдзинадæй.

Кутаисы æхсæнадæмон аэропортмæ та цы хауы, Кутаисæй Хъазахстаны фондз горæтмæ рейстæ æххæст кæны аслам авиакомпани FlyArystan, кæцы Air Astana-йы дæлхайад у. Сæрдыгон сезоны Хъазахстанмæ æмæ иннæрдæм рейсты нымæц къуыри 10-æй 17-мæ фæфылдæр уыдзæн. FlyArystan æххæст кæны комкоммæ регулярон рейстæ Кутаисы æхсæнадæмон аэропортмæ Астанæйæ, Алматыйæ, Атырауйæ, Актау æмæ Шымкентæй.