Экономикæ æмæ æнæфæцудгæ рæзынады министр Мариам Квривишвили базонгæгæнæн фембæлд сарæзта ÆВФ-ы резидент минæвар Эндрю Джуэллимæ.

Фарсытæ æруынаффæ кодтой Гуырдзыстоны æппæтдунеон валютон фондимæ цæугæ æмкуыстдзинадыл. Ныхасы рæстæджы каст цыд экономикон бæрæггæнæнтæ, ныртæккæйы прогнозтæ, афтæ дæр Гуырдзыстоны хицауады плантæ экономикон рæзтæн æххуыс æмæ структурон реформæты сыххæстæн.

Фембæлды банысан кодтой паддзахадон куыстуæтты реформæйы прогресс, кæцы фæхуыздæр кæндзæн паддзахадон куыстуæтты корпоративон хицауиуæгад æмæ адарддæр кæндзæн оптимизацийы процесс, кæцы компанитæн фадат ратта нысаниуæгджын ресурстæ бахъахъхъæнын.

Фембæлды кæрон фарсытæ расидтысты цæттæдзинад Гуырдзыстон æмæ Æппæтдунеон Валютон Фонды æхсæн ахастыты дарддæры рæзтæн баххуыс кæной.

Банысанкæнинаг у уый, æмæ Гуырдзыстоны экономикæйы динамикæ æмæ размæцыд лæмбынæгæй хъус дары æхсæнадæмон валютон фонд. Фæстаг бæрæггæнæнтæм гæсгæ, ÆВФ Гуырдзыстоны экономикон рæзты прогноз 2025 азмæ 6 процентæй 7.2 процентмæ фæбæрзонддæр кодта, кæцы æрмæст регионы нæ фæлæ Европæйы дæр алкæмæй бæрзонддæр темп у.