«Мæ фидиуæн гуырдзиаг адæмæн, уыдонæн, кæцытæ æцæгæйдæр тырнынц европон фæндагмæ, у: ныфс ма фесафут æмæ уымæ гæсгæ архайут» – расидтис Эстонийы фæсарæн хъуыддæгты министр Маргус Цахкна Люксембургы фæсарæн хъуыддæгты министрты фембæлды размæ.

Йæ ныхасмæ гæсгæ, Европæ гомæй баззайдзæн Гуырдзыстонæн.

«Арф хъыг мын у, цæмæй Гуырдзыстоны режим бынтон æндæр фæндагыл цæуы, Евроцæдисмæ фæндаг нæ фæлæ. Мæ фидиуæн гуырдзиаг адæмæн, кæцытæ æцæгæйдæр бæллынц европаг фидæнмæ, у: ныфс ма фесафут æмæ уымæ гæсгæ архайут, уымæн æмæ Сомихы фæлтæрддзинад равдыста, цæмæй кæд адæмы уый фæнды, уæд фæстагмæ гæнæн ис æмæ уа демократион æвзæрстытæ, æмæ Евроцæдис гом фæндаг уыдзæн. Уымæ гæсгæ дæ ныфс ма сафут, уымæн æмæ Европæ гомæй баззайдзæн Гуырдзыстонæн», – загъта Маргус Цъахкъна. Фарстæн дзуаппæн, «ныр Венгрийы вето куы ист æрцыд, уæд Гуырдзыстоны ныхмæ санкцитæм хъуыды кæнут?» Цъахкна загъта:

“О, мах хъуыды кæнæм санкцитæ куыд Гуырдзыстоны ныхмæ, афтæ хицæн адæймæгты ныхмæ дæр. Эстони ныридæгæн бавдыста дзæвгар дæргъвæтин номхыгъд санкциты тыххæй, кæцытæ æвæрд æрцыдысты националон æмвæзадыл. Ныфс нæ ис, цæмæй ацы æндæвдад фæстагмæ ратдзæн фæстиуджытæ, фæлæ Евроцæдис нæу йæхæдæг аскъуыддзаг кæнын, цы сараздзысты гуырдзиаг адæм. Уый хъуамæ аскъуыддзаг кæной Гуырдзыстоны æмбæстæгтæ сæхæдæг. Мах, эстонæгтæ, æмбарæм уавæр вазыгджын кæй у”.