Гуырдзыстоны  премьер-министр мамука Бахтадзе,   Лиетувæмæ  официалон визиты фæлгæтты,  ауадздзæн бæрзонд æмвæзады цалдæр  фембæлды.

Мамука Бахтадзе Лиетувæмæ  араст ис  знон.  Вильнюсы аэропорты  Гуырдзыстоны премьерæн йæ размæ   рацыд  Лиетувæйы Республикæйы   хъахъъхæнынады  министр  Раймундас  Кроблис.

Премьер-министр  фембæлдзæн  Лиетувæй   премьеримæ  Саулюс Сквернялисимæ. Бадзырдты сæйраг темæйæ   уыдзæн дыууæ   бæстæйы  æхсæн ахастытæ æмæ  сæ  фæарфдæр кæныны  фæндæгтæ.

Саулюс Сквернялисимæ  фембæлды фæстæ, Мамука Бахтадзе   фембæлдзæн Лиетувæйы   президент  Далия Грибаускайтеимæ.  Уый фæстæ  та  премьер, дидингуытæ  сæвæрдзæн  Лиетувæйы  хæдбардзинад æмæ сæрибардзинадæн тохы рæстæджы мард хъайтарты   мемориалыл.  Фæстæдæр Мамука Бахтадзе дидингуытæ  сæвæрдзæн  Гуырдзыстоны   хæдбардзинадæн  тохы мард  хæстон Датико  Мачъаварианийы  ингæныл.

Визиты кæрон   плангонд у  премьер-министры фембæлд  гуырдзиаг æмæ лиетувæйаг  студенттимæ  Вильнюсы   университеты.

Гуырдзыстоны премьер-министры  визит Лиетувæмæ  фæуыдзæн   21  январы, кæцыйы фæстæ   гуырдзиаг делегаци Мамука Бахтадзейы разамындæй  араст уыдзæн Давосмæ.