Ираклий Къобахидзе – Узбекистанимæ стратегион партнердзинад нæ ахастытæ ног æмвæзадмæ рахæсдзæн, регионалон базарадон цыд фæфылдæр кæндзæн, æмæ уæрæх экономикон интеграцийæн ахъаз кæндзæн

Гуырдзыстон аргъ кæны йæ партнерадæн Узбекистанимæ, кæцыйы мах нымайæм æрмæст æууæнкджын æмæ нысаниуæгджын партнерыл нæ фæлæ ма хæларыл дæр. Нæ дыууæфарсон æммахастытæ æнæфæцудгæйæ рæзынц æмæ стратегион партнердзинады фæдыл иумæйаг деклараци нæ ахастытæ ног æмвæзадмæ рахæсдзæн – уый фæдыл Гуырдзыстоны премьер-министр Ираклий Къобахидзе Узбекистаны президент Шавкаты Мирзиёевимæ дæргъвæтин ныхасы рæстæджы расидтис.

Хицауады сæргълæууæг бузныг расидтис узбекаг фарсæн Гуырдзыстонæн фидар фарсылхæцындзинады тыххæй æмæ банысан кодта, цæмæй стратегион партнерады фæдыл бадзырд политикон, базарадон-экономикон, инвестицион, зонадон, техникон, культурон, гуманитарон æмæ æндæр сферæты æмкуыстдзинадæн ног фадæттæ аразы.

«Тынг диссаг у уыцы прогресс æмæ размæцыд, кæцыйы къухы бафтыд Узбекистан дæ къухдариуæгадæй.Уæм ис фидар институттæ, паддзахадон системæ æмæ ирд цæстæнгас бæстæйы рæзынады фæдыл.Сымах стут цæвиттойнаг лидер æмæ ныфсджын стæм, цæмæй уæ къухдариуæгады бын нæ бæстæты æхсæн дывæрсыг æмкуыстдзинад æмæ хæлардзинад ноджы тынгдæр фæтыхджындæр уыдзæн» -банысан кодта Гуырдзыстоны хицауады сæрдар.