Ныхас цæуы 2022-æм азæй фæстæмæ, цæмæй «Deep State» тох кæны Гуырдзыстоны æнæзакъононæй хицауад аивыныл, суверенитет байсыныл, стæй цы йæ ​​фæндыд, хæст райдайын уыдаит æви æндæр цыдæр, уый тыххæй – расидтис «Адæмон тыхы» лидер Мачъарашвили Гурам.

Йæ ныхасмæ гæсгæ, АИШ-ы президент æмæ æндæр бæрнонтæ сбæлвырд кодтой, цæмæй Гуырдзыстоныл æцæгæйдæр уыд æндæвдад.

«Мæскуыйы механизмыл» бындурæвæрдæй, ЕÆÆО-йы хыгъдлæвæрды ис фыст, цæмæй сымах скусын кодтат гадзрахатæй рацæуыны фæдыл статья, нæ райстат æргомдзинады закъон æмæ сау æхца хъуамæ æрцæуа Гуырдзыстонмæ фæсарæйнаг паддзахæдтæй, æмæ уый хъуамæ зонат. Ды ма скусын кодтай бинонты æгъдæуттæ, легализаци кодтай нæлгоймæгты æмкъайад. Æцæгæй та нын дзурынц, цæмæй нын суверенитет радтой, мах хуыздæр зонæм, куыд хъуамæ уа Гуырдзыстоны хицауиуæг. Афтæ нын дзурынц æртæ мин азы кæуыл цæуы, ахæм бæстæйы тыххæй. “Уый тыххæй тох кодта нæ бæстæ? Дыууынæм æнусы тыхæй байстой суверенитет, ныр та нын дзурынц, фæстæмæ йæ раттут барвæндонæй, науæд æй фæстæмæ райсдзыстæм тыхæй”, – загъта Мачъарашвили Гурам.

Фарстыл, цахæм позици уыдзæн бæстæйы хицауадæн, кæд æмæ Мæскуыйы механизмы хатдзæгыл бындурæвæрдæй, Гуырдзыстон Гаагæйы тæрхондонмæ ахæццæ уыдзæн, Гурам Мачъарашвили дзуапп радта, цæмæй сæ бон у тæрхон кæнын, кæдæм сæ фæнды.

«Мах хъуыды кæнæм бирæ уынаффæтæ, кæцытæ рахаста Гаагæйы тæрхондон, се æхсæн Уæрæсейы Федерацийы фæдыл дæр.Уæрæсейы ныртæккæ алчидæр æрбахъæбыс кæны æмæ Америкæ бынтондæр систа санкцитæ Уæрæсейы нефтыл, фæлæ Гаага æндæргъуызон хъуыды кæны.Мæнæн æхсæнадæмон организацитæ кадджын сты, кæд æмæ кад кæнынц паддзахадон институттæн.Кæй зæгъын æй хъæуы, Уæрæсейы ныхмæ тæрхондæттæ рамбылдтам Гаагæйы æмæ Штрагы. Цы нæ бамбæрстой, тæрсын кæнын гæнæн нал ис. Кæд нæ рæдийын, уæд Америкæ ныууагъта 600 организацийы бæрц, уыцы нымæцы Венецийы къамис дæр. Уый ацыд, уымæн æмæ дзурынц, зæгъгæ, уыдон сты зианхæссæг æхсæнадæмон организацитæ. Цæмæй нæ тæрсын кæнынц, цы бакæндзысты зианхæссæг дунеон организацитæ? Кæм сæ фæнда, уым хъаст кæнæнт, рæстдзинад нæ фарс у, æмæ рæстдзинад кæддæриддæр фæуæлахиз вæййы», -расидтис Мачъарашвили Гурам.