Ныфс нæ ис, æнæмæнгхъæугæ къахдзæфты фæдыл бадзырд кæй æрцæудзæн. Куы уынæм, цы цæуы Тбилисы уынгты, куы уынæм, цæмæй оппозицийы лидертæ æрцахстой æмæ протесты хайадисджыты æфхæрынц – нæй гæнæн æмæ йæ ницæмæ дарæм æмæ йæ нæ райсæм, – уый фæдыл Лиетувæйы æддаг хъуыддæгты министр, Киастуси Будрис – уый фæдыл Евроцæдисы æттаг хъуыдтæгты министрты советы рабадты размæ Брюселы расидтис.

Лиетувæйы фæсарæн хъуыддæгты министр медийы минæвæрттимæ фæныхас кодта уыцы фарстатыл, кæцытæ Евроцæдисы фæсарæн хъуыддæгты министрты советы рабадты боны фæткы ис.

«Лиетувæ ныридæгæн снысан кодта санкцитæ зæгъæн ис 30 адæймагыл, кæцытæ комкоммæ баст уыдысты оппозицион протесты æвирхъау æрæхгæды организациимæ. Мах афтæ дæр æрсидтæм Евроцæдисмæ, цæмæй ацы адæймæгты ныхмæ санкцитæ бахæсса.

Ноджы иу фарста, кæцы боны фæткы лæууы, у æнæвизæйон змæлды режим, уый хъуамæ тобæ кæнæм дипломативон æмæ службæйы паспорт кæмæн ис, уыцы адæймæгтæн. Уый у минимум, кæцы хъуамæ саразæм. Мах ма хъуамæ æрвитæм хъусынгæнинаг, цæмæй ахæм тобæ фидæны дæр адарддæр кæнæм.

Æртыккаг у Гуырдзыстонимæ техникон æмæ политикон бадзырдты æрурæд, Евроцæдис-Гуырдзыстоны ассоциацийы бадзырды фæлгæтты, афтæ дæр Гуырдзыстоны хицауады институттимæ цыфæнды институционон бадзырдтæ æрурома æмæ уагдæттæн финансон æххуыс æрурома. Уыимæ иумæ, Гуырдзыстоны æмбæстагон æхсæнадæн хъæуы тыхджын сигнал æрвитын, цæмæй уыдонæн æххуыс кæндзыстæм. Уый тыххæй хъæуы финансон пакет, цæмæй равдисæм, серьезон кæй стæм, уый. Ныр у уыцы рæстæг, цæмæй уынгыл чи ис, уыцы гуырдзиаг адæмæн хъуамæ арвитæм хъусынгæнинаг, цæмæй Европæ уæ нæ ныууадздзæн, Европæ уемæ ис, Европæ уæ хъæуы. Ныртæккæ йæ хъуамæ саразæм», -расидтис Лиетувæйы æттаг хъуыдтæгты министр.

Уымæй дарддæр ма, Лиетувæйы фæсарæн хъуыддæгты министр куыд банысан кодта, афтæмæй уыдон йæ фарсыл хæцынц Саломэ Зурабишвилийы æмæ æнæхицауадон организациты позицийæн ногæй æвзæрстыты фæдыл.

«Мах йæ фарс хæцæм Саломэ Зурабишвилийы æмæ æнæхицауадон организациты позицийæн, цæмæй ногæй æнæмæнгхъæугæ у æвзæрстытæ ауадзын. Уый у раст фæндаг ацы уавæры æрбæстон кæнынæн», – расидтис Киастуси Будрис.