Бизнесмен æмæ политик Леван Гачечиладзе йæ цардæй ахицæн 61 азы кары. Информаци Гачечиладзейы бинонты хæстæджытæ сбæлвырд кодтой.

Леван Гачечиладзе Гуырдзыстоны парламенты фæндзæм æмæ æхсæзæм æрсидты уæнг уыд. Æвзæрст æрцыд æвдæм æрсидтмæ дæр. Уый 2008 азы æвзæрстыты Гуырдзыстоны президенты бынатмæ оппозицийы кандидат уыд.

Гачечиладзе йæ политикон карьерæ райдыдта 1999 азы, Гуырдзыстоны парламенты уæнг куы ссис уæд. 1999-2002 æзты партион номхыгъдимæ Гуырдзыстоны парламенты фæндзæм æрсидты уæнг, æвзарæн блок «Гуырдзыстоны æмбæстæгты цæдис»-ы уæнг. Уый тагъд рæстæджы фæхицæн ис фылдæры хайæ æмæ Давид Гамкрелидзеимæ иумæ сарæзтой парти «Ног бартæ». 2002 азы бынæттон æвзæрстыты фæстæ, Гачечиладзе Тбилисы горæтон советы уæнг рахизфарсы номхыгъдимæ ссис. 2004-2008 æзты уыд Гуырдзыстоны парламенты 6-æм æрсидты уæнг (мажоритар Тбилисы Вакейæ), æвзарæн блок «Ног бартæ»-йы. 2008 азы президентон æвзæрстыты Гуырдзыстоны президенты бынатмæ Иугонд Оппозицийы кандидат уыд. 2008 азы 7-æм июнæй 2008-æм азы 20-æм июны онг партион номхыгъдимæ Гуырдзыстоны парламенты 7-æм æрсидты уæнг, æвзарæн блок «Иугонд оппозици (национ совет, бартæ)» уæнг.