Гуырдзыстоны вице-премьер,  экономикæйы æмæ æнæфæцудгæ рæзынады министр, Леван Давиташвили  онлайнформаты  хайад райста  АИШ-ы националон æдасдзинады уынаффæгæнæг, Джейк  Саливаны  фысымдзинадæй  ацæугæ министериалы, кæцы рæстæджы уый, Гуырдзыстоны номæй, АИШ-ы, Автсралийы, Канадæйы, Еврокомиссийы, Япони æмæ  Иугонд  Паддзахады  минæвæрттимæ иумæ, къух бафыста  декларацийыл  интернеты фидæны фæдыл (Declaration for the Future of the Internet, DFI).  Къухбафыст  АИШ-ы, Урс Хæдзары  гибридон  форматы ацыд.

«Декларацийæн йæ нысан у  демократон  системæтæн  баххуыс  æмæ алкæцы æмбæстагы  активон  хайадæн къухацаразын  демократон процессты,  гоймаджы  конфиденциалондзинад хъахъхъæдад  сифтонг кæнын, æдас æмæ æууæнкаг   бастдзинад бахъахъъæнын,  адæймаджы барты хъахъхъæ æмæ  онлайн/цифрон  экосистемæйы  йæ цыт, сæрибар æмæ конкурентхъом  глобалон  экономикæ сифтонг кæнын æмæ а.д.

Декларацийы фарсхæцæг партнертæ æмкуыст кæнынц  æмбæстагон дзыллæимæ, индустриимæ æмæ  æндæр æмьæлон  интересджын фарсытимæ декларацийы  бавдыст принцпитæ сæххæст кæныны нысанæн.  Уыдон афтæдæр разы  сты  æмæ  къух аразынц  дарддæры  сæйраг  принциптæ хъахъхъæдадæн:  адæймаджы бартæ æмæ сæйраг  сæрибардзинæдтæ,  рæувадат глобалон интернет, инклюзивон  æмæ  рæувадат  интернет, æууæнк  цифрон экосистемæйы,  интернеты  бирæфарсон фæткдæттынад», – дзырдæуы  экономикæйы министрады  информацийы.