Фыццаг вице-премьер, экономикæйы  министр Леван Давиташвили фембæлд АИШ-ы глобалон базарады  министры æххуысгæнæг Ашок Пинтойимæ æмæ дыууæ бæстæйы æхсæн базарадон æмæ экономикон æмкуыстдзинады перспективæтыл фæныхас кодтой.
Фембæлд АИШ-мæ фыццаг вице-премьеры визиты фæлгæтты сырæзт.
Экономикайы министрады пресс-куыстуаты информацимæ гæсгæ, фембæлдыл Гуырдзыстон æмæ АИШ-ы æхсæн экономикон æмкуыстдзинады ног позитивон боны фæткы æмæ инициативæтыл бакастысты. Базарадон-экономикон æмкуысткæнынадыл дзырд цыд куыд дыууæфарсон, афтæ регионалон æгъдауæй дæр.
«Фембæлдыл ныхас кодтам ахæм инициативæтыл, кæцытæ, мæнмæ гæсгæ, цымыдисон сты куыд Гуырдзыстонæн, афтæ АИШ-æн дæр.Уый хауы базарады ноджы разæнгард кæнынмæ.Гуырдзыстон нæу æрмæст чысыл фæлхасгæнæг базар æмæ базарадон партнер Америкæйæн, цыран уæй кæнынц америкаг продукттæ, фæлæ Гуырдзыстон æмæ Америкæйæн сæ бон у æмгуыст кæной уæрæхдæр масштабты – Гуырдзыстон нысаниуæгджын базарадон центр у æмæ америкаг продукттæ, хыгъдлæвæрды формæйы Централон бæстæтæм парахат кæнынц Ази, Хуссар Кавказ æмæ æнæхъæн регион Уый тыххæй дæр, Гуырдзыстон гæнæн ис æмæ суа тынг цымыдисон базарадон партнер Америкæйæн Афтæ дæр, кæй зæгъын æй хъæуы, Америкæ у тынг стыр фæлхасгæнæг базар æмæ Америкæ тынг цымыдисон у нæ экспортæн», – райхъусын кодта фыццаг вице-премьер.
Фембæлдыл гуырдзийаг фарс дыууæ бæстæйы æхсæн ног рамкæйы меморандум бафыссыны инициативæ систа. Фыццаг вице-премьер куыд банысан кодта афтæмæй, уый æвдисы уыцы инициативæтæ, кæцыты гуырдзиаг фарс йæ америкаг партнертæн бавдыста æмæ уыдзæн конкретгонд æмæ сæххæст уыдзæн сæрмагонд секторимæ иумæ.