«Тыхджын Гуырдзыстон – Лело»-йы коалицийы сæрдар Мамука Хазарадзейы, Тбилисы мэры бынатмæ иумæйаг кандидат Ираклий Купрадзейы æмæ æвзарæнон штабы сæргълæууæг Тазо Датунашвилийы Брюсселы мэр йæхимæ райста – уый фæдыл информацийы хъусын кæны «Лелойы» пресс-куыст.

«Бæрзонд æмвæзады дыууæфарсон фембæлды рæстæджы уынаффæ цыд фидæны Тбилис-Брюсселы партнерады детæлттыл, куыд культурон æмæ экономикон æмкуыстдзинады фæлгæтты, кæцы йæхимæ дары иумæйаг инфраструктурон æмæ ахуырадон проектты планкæнынад æмæ реализаци» – ис фыст партийы рапарахатгонд информацийы.

«Лелойы» пресс-куыст куыд хъусын кæны афтæмæй, уазджытæ Брюселы мэрæн æвзæрстыты агъоммæ Гуырдзыстоны уæвæг вазыгджын политикон уавæры тыххæй фехъусын кодтой.

Филип Клос бынæттон хиуынаффæйады æвзæрстыты Тбилисы мэры бынатмæ иумæйаг кандидатæн æххæст фарсылхæцындзинад расидтис.

«Абон фембæлдыстæм Тбилисы мэрмæ кандидат Ираклий Купрадзеимæ. Фæнды мæ йæ фарсылхæцындзинад расидон, уымæн æмæ мах баст стæм иумæйаг европæйаг аргъдзинæдтæй, кæцытæ мæнæн, куыд европæйаг сæйраг сахары мэрæн, тынг нысаниуæгджын сты», -расидтис Брюсселы мэр.