Политикон парти «Лело» Анаклиайы наулæууæны фæдыл юстицийы министрады расидæнæн дзуапп дæтты. Парти куыд хъусын кæны афтæмæй, хицауады æрдыгæй парахатгонд информаци, цæмæй Мамука Хазарадзе æмæ Бадри Джапаридзе Вашингтоны арбитражы Анаклийы наулæууæны хъуыдтагы фæдыл быцæудзинад фæхæрд сты, раст нæу. Уымæн æмæ, партийы расидæны куыд ис фыст, афтæмæй ай Джапаридзе æмæ Хазарадзейы быцæудзинад нæ уыд, фæлæ фылдæр инвестор Боб Мейер æмæ паддзахады æхсæн.

«Хицауад сайгæ кæны, ацы арбитражы фæдыл Мамука Хазарадзе æмæ Бадри Джапаридзейы кой кæнгæйæ.

Уый уыд быцæудзинад инвестор Боб Мейер æмæ паддзахады æхсæн. Фæлæ арбитражы дзуапп цыфæнды ма уа, уæддæр факт у иу: хицауад æхсæз азы размæ Уæрæсейы амындмæ гæсгæ амардта проект «Анаклия», æмæ нырма ницы прогресс сарæзта, бæстæ 2020 азы фыццаг нау куы хъуамæ райстаид, уæд.

Иннæтæ фендзыстут «Анаклийы» консорциумы расидæны, инвестортæ та ратдзысты сæхи æмбарынгæнæнтæ» – ис фыст «Лело»-йы расидæны, кæцыйы рапарахат кодта партийы пресс-службæ.

Гуырдзыстоны юстицийы министрады информацийæ, Мамука Хазарадзе æмæ Бадри Джапаридзе дæр Вашингтоны арбитражы Анаклийы порты хъуыдтагы фæдыл быцæудзинад фæхæрд сты. Сæ ныхасмæ гæсгæ, уæлдæрбанысангонд быцæуы фæлгæтты, Хазарадзе æмæ Джапаридзейы голландиаг партнер Боб Мейер 64 милуан АИШ доллары фиддон æрдомдтой, фæлæ арбитраж йæ æппæт домæнтæ нæ райста æмæ йæм Гуырдзыстоны хицауадæн 6,5 милуан АИШ доллар бафидыны хæс снысан кодта.