Кутаисы раздæры парламенты бæстыхайы алфамбылай арæзт æрцæудзæн нырыккон бирæфункционалон парк.

Гуырдзыстоны хицауады информацимæ гæсгæ, премьер-министр Ираклий Къобахидзе абон паркы арæзтады фæзуат бабæрæг кодта. Плангонд куыстыты фæдыл премьерæн инфраструктурæйы министр Реваз Сохадзе базонгæ кодта.

«Инфраструктурæйы министрады муниципалон рæзынады фонд ныридæгæн расидтис конкурс парчы проекты тыххæй.

Парк уыдзæн 70 гектары бæрц фæзуатыл æмæ дзы уыдзæн сывæллæтты хъазæн фæзуæттæ, спортивон фæзтæ æмæ тренировкæты фæзуæттæ, къахвæндæгты æмæ велосипедты фæндæгты хызæг, культурон æмæ ахуырадон фæзуæттæ, гом сценæ, павильонтæ æмæ мадзæлтты фæзуæттæ. Парчы ма уыдзæн информацион центр, перголæтæ, шахматты стъолтæ, декоративон цадтæ æмæ фонтантæ.

Афтæ дæр проектмæ хауы æддейæ рухсгæнæн æмæ донуадзæн системæйы монтаж, афтæ дæр æдасдзинады æмæ видеоцæстдарды инфраструктурæ. Ног фæзуат æххæстæй адаптацигонд уыдзæн сæрмагонд хъуагдзинæдтæ кæмæн ис, уыцы адæймæгтæн» – ис фыст Гуырдзыстоны хицауады парахатгонд информацийы.