Кутаисы аппеляцион тæрхондоны 9 гоймаджы ныхмæ административон хъуыддагы фæдыл тæрхондоны байхъуыст цæуы. Гела Мтивлишвили, Нино Катамадзе, Владимир Апхазава, Хвича Вашакмадзе, Кетеван Филаури, Майя Цирамуа, Ирина Зарандиа, Гиви Цинцадзе æмæ Эка Кухалашвили административон фæткхалды кодексы 174-æм статьяйы фыццаг хайæ аххосджын кæнынц.

Хъахъхъæнджытæ куырдиат бавдыстой, цæмæй тæрхонгæнæг Цицино Мосидзейæ хъуыддагы байхъуыст фæурома, уымæн æмæ адвокатты хъуыдымæ гæсгæ, административон фæткхалды фæдыл статья конституцийæн ныхмæлæууæг у.

Уымæй дарддæр ма, Эка Кухалашвилийы адвокат, Валери Тевдорадзе, бавдыста куырдиат, цæмæй фæдагуырд бавдиса æхсæнадон реестрæй скъуыддзаг, кæцыйы уыдзæн тæрхонгæнæг Малхаз Окропирашвилийы цæрæн хæдзæртты кадастрон ист, се æхсæн Бакурианийы хæдзары. Тæрхонгæнæг сразы ис курдиатæн.

Зæрдылдарæнæн, уæлдæр банысангонд гоймæгтæ Кутаисы апелляцион тæрхондоны тæрхонгæнæг Малхаз Окропирашвилийы цæрæнуаты æввахс протест сарæзтой, уымæн æмæ тæрхонгæнæг нæ райста Батумы горæтон тæрхондоны æскъуыддзаг Мзиа Амаглобелийы хъуыддагы фæдыл.