Кутаисы  æхсæнадæмон университет  (KIU)  абон байгом уыдзæн.  Байгомы церемонийыл   студенттæн  раарфæ кæндзысты  Кутаисы æхсæнадæмон  университеты цытджын  президент,  профессор  Вольфганг  Герман  æмæ  университеты ректор   профессор  Александре Тавадзе.

Кутаисы  æхсæнадæмон университеты уыдзæн  студенттæн æмæ  персоналæн   цæрæн  бынæттæ, академион бæстыхæйттæ, библиотекæ, кафетæ, мид æмæ æддæ   рекреацион тыгъдадтæ, электротранспорт,  вело-фæндæгтæ. Университет  фыццаг къадайæ  райсдзæн  æртæ специаладыл –  математикæ, компьютерон  зонæдтæ æмæ менеджмент, фидæнмæ та,  дæсниæдты   нымæц  райрæздзæн.

Уыйимæ иумæ ма  Кутаисы  æхсæнадæмон университет Юлихы  иртасаг центримæ  æмгуыстады  фæлгæт  бадзырдм  баиу ис.  Студенттæн  Юлихы  иртасаг центры бæрæг   проекттæ аразыны фадат ис.

Кутаисы  æхсæнадæмон университет студентты бæрæг  категоритиæн  ахуыры фидинаг дæр   бамбæрздзæн. Афтæма  университеты  ис  студентон  грантты  фонд.

Кутаисы  æхсæнадæмон университеты бындурæвæрдæн  Бидзина Иванишвили æмæ йæ  бинонтæ  миллиард  евро рауæлдай  кодта.

Кутаисы  æхсæнадæмон университеты, байгомы  æмæ студентты  райсты  церемони абон 13:00  сахатыл ацæудзæн.