Конституцион тæрхондон рахаста уынаффæ Гуырдзыстоны президенты æрдгæй Конституцийы халыны фæдыл
Конститутцион тæрхондон Гуырдзыстоны президент, Саломэ Зурабишвилийы æрдгæй конституцийы халын сбæрæг кодта. Фæнысангонды фæдыл уынаффæ конституцион тæрхондоны рабадты залы райхъусын кодтой.
Уынаффæимæ пленумы фараст уæнгæй æхсæз сразы ис. Уыимæ Мераб Турава куыд райхъусын кодта афтæмæй, хатдзæгмæ бамхас уыдзæн Конституцион тæрхондоны пленумы æртæ уæнгы, ирина Имерлишвилийы, Гиорги Кверенчхиладзейы æмæ Теймураз Тъугъушийы хъауджы хъуыды.
Гуырдзыстоны президенты импичменты фæдыл парламенты 80 уæнг конституцион тæрхондонмæ 12 сентябры баздæхтысты. Конституцион бавдысты лæмбынæг кæсын, 3 октябры райдыдта æмæ 5 октябры фæцис.
Конституцион бавдысты тæроны апп уыдис «Гуырдзыстоны конституцийы 51-æм статийы фыццаг пункты «А» дæлпункты гæнæн саст, Гуырдзыстоны президент, Хуырдзыстоны хицауадæй барлæвæрд цух æддæ ахастыты минæварадон æххæстбартæ кæй сыххæст кодта, кæцы фæбæрæг ис фæсарæнтæм кусæн визитты сыххæстæй æмæ официалон уæнгтимæ кусæн фембæлдты æмæ бадзырдты ауадзынæй».
Конституцион тæрхондоны президенты минæвæрттæ уыдысты Тамар Чугошвили æмæ Майя Копалеишвили.
Конституцион тæрхондоны пленумы уæнгтæ сты: Мераб Турава; Эва Гоциридзе; Гиорги Тевдорашвили; Ирине Имерлишвили; Гиорги Кверенчхиладзе; Хвича Кикалишвили; Манана Къобахидзе; Васил Роинишвили; Теймураз Тъугъуши.
Конституцион тæрзондоны уынаффæйы фæстæ президенты импичменты фарста парламентмæ ахиздзæн, цы ран президенты йæ бынатæй сисынæн парламенты 100 депутаты разыдзинад у æнæмæнгхъæугæ.