Уырыссаг-гуырдзиаг  ахастыты  сæндидзын кæнын  гæнæн ис, кæд Гуырдзыстоны  уый  æрфæнда  уæд –  агентад «ТАСС» куыд  фыссы афтæмæй,   уый  тыххæй  Уæрæсейы  Федерацийы  советы рабадтыл  фæсарæн хъуыддæгты комитеты   къухдариуæггæнæг   Константин Косачев   райхъусын кодта.

«Уырнæг дæн,  мах алчи хъуамæ  æрымбырд кæнæм  зæндджын  тыхтæ гуырдзиаг дзыллæйы уыцы  зындзинæдтæм æнæкæсгæ, кæцытæ абон нæ ахастыты ис,  ацы æнамонддзинады  сæрты  ахизæм,  кæцы æрыййæфта  гуырдзиаг адæмы –  тынг агрессивон  æмæ тынг уæлæнгай национализмы æнамонддзинад.  Мах, цæй  зæгъын æй хъæуы, цæттæ стæм  нæ  ахастыты  гармоний  сæндидзын кæнæм, фæлæ  уыцы разæууæлæй,  кæд уый  Гуырдзыстоны æмæ гуырдзиаг адæмы фæнды», – райхъусын кодта Косачев.

Знон Уæрæсейы  дума æмхъæлæсонæй  райста  рекомендаци  Гуырдзыстоны ныхмæ   экономикон  мадзæлттæ  сфидар кæныны  фæдыл.  Фæстæдæр  Уæрæсейы президент, Владимир Путин  райхъусын кодта, цæмæй   уый  гуырдзиаг адæмы ныхмæ  экономикон  санкцитæ  не сфидар кæнит,  йæ ныхæстæм гæсгæ, зæгъгæ «Гуырдзиаг адæмæн  кæй  кад кæны,  уый тыххæй».