«CNN»-ы журналист Урсула фон дер Ляйенæн ратта фарста, кæцы  мæнг информацийыл æнцойæвæрд уыд,  дзæбæх  зыны куыд масштабон  у  координаци, кæцы Гуырдзыстоны интересты ныхмæ  у, –  уый фæдыл  дзырдæуы парти «Картули Оцнебайы»  сæрдар  Къобахидзе Иракълйы фидиуæны.

«Адыууæ боны  размæ, «CNN»-ы журналист  Еврокомиссийы президент Урсула фон дер Ляйенæн   ратта фарста, кæцы Гуырдзыстоны фæдыл  мæнг информацийыл æнцойæвард уыд. Сæрмагондæй та,  журналист загъта, ома   дам  хæлиу кæны информаци  æндæр æмæ æндæр бæстæты, сæрмагондæй та Гуырдзыстоны уылты, Уæрæсемæ  санкциргонд  базайраг ласыны фæдыл æмæ  бафарста,  алыг кодтаит æви нæ  Евроцæдисы санкциты радон  пакет  ацы проблемæйы.

«CNN» хуымæтæг   медиафæрæз нæу æмæ  ацы  фактæй   дзæбæх  зыны, цас масштабон у   координаци, кæцыйæн йæ нысан  у  Гуырдзыстоны  националон интересты ныхмæ  архайын.  Уымæ æмбæлгæйæ, «CNN»-ы  журналисты  бавдыст мæнг информацийыл хæъуы  реагиркæнын.

Гуырдзыстон Уæрæсемæ  санкциргонд продукци куы уадзит, 2022  азы  Гуырдзыстонæй  Уæрæсемæ  экспорт  æнæпропорционæй  хъуамæ  фæфылдæр  уыдаит. Фæлæ акæсæм   цы уавæр ис  æцæгæй:

2022 азы,  2021  азимæ абаргæйæ Гуырдзыстоны  æмтгæйон  экспорты рæзт, 33 проценты бæрц уыд, фæнысангонд периоды  Уæрæсемæ  экспорт æрмæст авд процентæй   сырæзт.  Аналогион периоды  Гуырдзыстонæй  Китаймæ   экспорт сырæзт 30 процентæй, Азербайджанмæ – 27%, Туркмæ – 35%, АИШ-æм  – 36%, Болагримæ – 67%, Сомихыстонмæ – 129%, Хъазахмæ – 148%. Уæрæсейы  экспорты  хай   Гуыврдзыстоны  æмтгæйон экспорты  2022  азы   нысаниуæгджынæй фæкъаддæри, кæцы  «CNN»-ы  журналисты бавдыст  информацийы   багæдыкæнынæн   иттæг  хорз амал у. Афтæма  банысан кæнн хъæуы уый, цæмæй  Гуырдзыстонæй  Уæрæсемæ  æрвыст  базайраг, Уæрæсейы  2022  азы  æмтгæйон  экспорты  æрмæст  0,3  проценты бæрц у.  Ацы  фоныл , конкретон   фæсарæйнаг  медиафæрæзтæ куы бæлвырд кæнынц, цæмæй  Уæрæсе  Гуырдзыстонæй   æрвыст   базайрагы фæрцы  цæры,  фæлмæнæй зæгъгæйæ  æгæрон гæдыдзинад у.  Уый  дæр хъуамæ банысан уа,  цæмæй  2022 азы  Гуырдзыстонæй  Уæрæсемæ  æрвыст базайраджы 3/4 – æй  фылдæр у   алкоголон æмæ æнæалкоголон ныуæзт, хъæууон хæдзарады продукци æмæ  згъæрты æмдон.

Ахадæг фæсарæйнаг  медиафæрæзтæ гуырдзиаг паддзахады  ныхмæ  уагъд масштабон  гæдыдзинад  куы  хæлиу кæнынц, уый  хицæн проблемæ у. Фæлæ уымæй  стырдæр проблемæ уый у æмæ  ацы гæдыдзинады  тиражиркæнын куы архайынц   гуырдзиаг радикалон  оппозици æмæ  йæ сæрмагонд медиафæрæзтæ.  Ацы  фактæй ноджы иу  хатт сбæлвырд ис, цæмæй ацы  адæймæгтæн  Гуырдзыстоны  националон интерестæ  ницы нысаниуæгджын сты æмæ æцæгæй  та, гуырдзыстонмæ  знагон ахаст дарæг   тыхæн службæ кæнынц.  Афтæма  хъыгаг у, ацы гæдыдзинады  тиражиркæныны   президент дæр куы исы хайад, кæцы аххосæгтыл «Категорион  æмæ  факттæй  фидаргонд  дзуапп» æрдомтта.

Ахæм  у мæ категорион æмæ   факттæй  фидаргонд  дзуапп  мæнг аххосæгтыл, кæцытæм гæсгæ  Уæрæсе  Гуырдзыстонæй æрвыст экспорты фæрцы  «хæссы йæхи»  æмæ санкциты иувæрсты  ацыды фæдыл  дам-думтæн у дзуапп», – дзырдæуы Къобахидзейы фидиуæны, кæцы йæ  официалон фейсбук фарсыл уыд публикацигонд.