Коалици  «Хæдбар æмæ  рухсдзыд  расттæрхоны тыххæй»   дзуапп кæны  тæрхонгæнджыты  конференци Леван Мурусидзейы æмæ Димитри Гвритишвилийы  юстицийы бæрзонддæр советы  уæнгтæй  ногæй  сæвзæрстæн.

Коалицийы уæнгтæ куыд дзурынц  афтæмæй,  фæнысангонд уынаффæтæ  тынг кæнынц  тæрхондæтты  уæвæг   кланон   хицаудзинад  æмæ хъыг дарынц   расттæрхоны системæйы  фундаментон  реформæтæн, кæцытæ  уый нымæцы, Гуырдзыстоны  Евроцæдисы уæнгтæм  кандидатдзинады  фидиуæны дзуаппæн,  лæвæрд   Еврокомиссийы  рекомендацитæй  у рагхыгъдгонд.

«Мурусидзейы æмæ Гвритишвилийы мыггæгтæ та комкоммæ  баст  сты  тæрхонон  системæйы æнæформалон    æндæвдæдты æмæ  кланон  фæткдаруат.

Фæстаг периоды   тæрхонон  системæйы  ист  уынаффæтæ   бынтон   йæ  ныхмæ сты, куыд бынæттон, афтæ æхсæнадæмон  организациты  рекомендацитæн.  Юстиццийы  бæрзонддæр совет, æхсæнадæмон  партнерты æнæ иу  сидтмæ нæкæсгæ,   дарддæр кæны  расттæрхонæн знаггадгæнæг  къахдзæфтæ аразын æмæ  алы  мæцъистæй  пайда кæны   хицаудзинад   йæхимæ  ныууадза. Уыйимæ  Мурусидзе æмæ  Гвритишвилийы   советы  ногæй  сæвзæрст  у  комкоммæ дзуапп  æхсæнадæмон    партнертæн,  ома  нæй  тæрхонон системæйы  снæнæизкæныны  æмæ  расттæрхоны амбицион реформæйы  фæнд», –   дзырдæуы  фидиуæны.