«Пари Сен-Жермены» гуырдзиаг стъалы Хвича Кварацхелия 2025/2026 азы Чемпионты Лигæйы сезоны хуыздæр хъазæгæй схуыдта – уый фæдыл информацийы хъусын кæны лигæйы официалон веб-фарс.

Кварацхелиа ивгъуыд сезоны Чемпионты лигайы 16 матчы ахъазыд. Уый хъазыд 1141 минуты, бакъуырдта 10 голы æмæ сарæзта 6 ассисты. «Пари Сен-Жермен» гуырдзиаг хъазæгимæ иумæ дыккаг хатт фæд-фæдыл сеппæтæй престижон клубон турнир рамбылдта.

«Æмбал кæмæн нæй, ахæм гуырдзиаг хъазæг стыр роль ахъазыд парижæгты дыккаг фæд-фæдыл титулы.Уый турниры рæстæджы бакъуырдта 10 пурти æмæ 6 ассист сарæзта, галиу флангыл дæр уыд егъау.

Уый ма уыд æскъуыддзаггæнæг архайæг кæронбæттæн уæлахизы «Арсенал»-ыл, цыран æй Кристиан Москера æрæппæрста пенальтийы зонæйы æмæ йæ снысан кодтой пенальти. Усман Дембеле æрæвæрдта пенальти æмæ Луис Энрикейы командæ æмхуызон кодта.

Зæгъæн ис, æмæ Кварацхелиайы хуыздæр хъазт уыд æнæферохгæнгæ 5-4 фыццаг æрдæгфиналы уæлахиз «Бавария»-йыл, уæд фыццаг хатт æмхуызон кодта хыгъд (1-1) рæсугъд æхстæй, дыккаг таймы та диссаджы стильæй тыхджын æхстæй бакъуырдта дубль», – фыссы УЕФА-йы официалон веб-фарс.