Гуырдзыстоны финансты министр, Хуцишвили Лаша, Централон æмæ Скæсæн Европæйы форумы фæлгæтты Австрийы сæйраг сахар Венайы уагъд Гуырдзыстоны министрады сæйраг ныхасы хайад иста.

Финансты министр фæныхас кодта бæстæйы макроэкономикон уавæр æмæ фискалон бæрæггæнæнтыл.

Хуцишвили Лаша куыд банысан кодта афтæмæй, Гуырдзыстоны экономикон рæзт зынгæ фылдæр у европаг бæстæтæй, кæцы у экономикæйы структурæйы, фискалон приоритетты æмæ реализгонд реформæты фæстиуæг. Йæ ныхасмæ гæсгæ, фæстаг фондз азы фæстиуджытыл бындурæвæрдæй, Гуырдзыстоны экономикæ иуæй-иу сеппæтæй тагъд рæзгæ экономикæ у дунейы.

Министрады рапарахатгонд информацимæ гæсгæ, экономикон рæзты змæлæг факторты æхсæн, финансты министр схуыдта туризмы сектор, кæцы пандемийы агъоммæ периодимæ абаргæйæ, зæгъæн ис 50% фылдæр æфтиаг æрхаста, финансон сектор, информацион æмæ коммуникацион технологитæ æмæ ахуырады сектор, арæзтадон æмæ логистикæйы сектор.

«Адон сты уыцы сферæтæ, кæцытæ фæсарæйнаг комкоммæ инвестициты фылдæр хай сæхимæ æрбакодтой.Æрвылаз дæр, Гуырдзыстоны мобилизацигонд фæсарæйнаг комкоммæ инвестицитæ æмтгæйон мидпродукты (Мпродукты) 6%-ы æмвæзадыл сты, кæцы дунейы æмæ Евроцæдисы астæуккагæй бирæ фылдæр у», -расидтис финансты министр Лаша Хуцишвили.

Хуцишвили Лаша афтæдæр сæрмагондæй бахахх кодта EMAAR къорды 6,6 миллиард доллары инвестицийы нысаниуæг бæстæйы размæцыдæн.

Йæ ныхасмæ гæсгæ, фæсарæйнаг комкоммæ инвестициты фылдæр хай Евроцæдис, Иугонд Паддзахад æмæ АИШ-æй цæуы, кæцытæ фæсарæйнаг комкоммæ инвестициты иумæйаг суммæйы 80% сты.

«Мæнмæ гæсгæ, ацы факттæ æмæ бæрæггæнæнтæ бæлвырд дзуапп дæттынц, куыд рæзы Гуырдзыстоны экономикæ ацы бæрæг вазыгджын геополитикон уавæры» – расидтис финансты министр Хуцишвили Лаша.