Хицауад райста радон уынаффæ «Хæлцады контактæн нысангонд бæрæг пластикон продуктты рауагъд, æрбаласын æмæ базармæ рахæссыны тобæйы тыххæй»

2026-æм азы 1-æм июлæй æхсæнадон хæлцадон уагдæттæн фæлхасгæнджытæн пластикон мигæнæнты нуазæнтæ æрбаласын уыдзæн тобæгонд, 2027-æм азы 1-æм февралæй та пластикон мигæнæнты нозты рауагъд, импорт æмæ базармæ æвæрд уыдзæн тобæгонд – уый фæдыл Гуырдзыстоны алфæмблайы хъахъæды æмæ хъæууон хæдзарады министрад расидтис.

Минитсрады информацимæ гæсгæ, æнæуый дæр æнхъæлмæкæсинаг сты, сæрмагондæй, тобæдзинад нæ баххæсдзæн нуазыны донмæ, кæцыйы гуырахст у 3 литр æмæ фылдæр, афтæ дæр нозтмæ, кæцыйы гуырахст у 20 литр æмæ фылдæр (æнæалкоголон æмæ алкоголон, æнæалкоголон нозт æмæ а.д.).

«Уæлæмхасæн хауы Гуырдзыстоны мидхъуыдтæгты министрады æмæ Гуырдзыстоны хихъахъæнады тыхты æмæ æфсæддон службæгæнджыты хъуагдзинæдтæн нуазыны доны рауагъд æмæ ифтонгадмæ дæр.

Райсгæ уынаффæ бацæттæ кæнынмæ æркодтой мæнæ ацы уавæртæ. Пластикон продукттæ, уыцы нымæцы пластикон мигæнæнты, кæцытæ нысангонд сты хæринæгтимæ контактæн, нысаниуæгджынæй æндавынц алфæмблай æмæ æрдзон экосистемæтыл. Сæ ныппырхы процесс дарддæр кæны сæдæгай азты дæргъы, уый фæстиуæгæн пластик æмбырд кæны зæххы, доны æмæ денджызты, хъыгдары санитарон системæтæ æмæ фæкъаддæр кæны зæххы бæркад, кæцы æппынфæстаг æркæны биоалæмæттагдзинады фæфылдæрмæ æмæ экологион балансы фехæлдмæ.

Бæстæйы масштабæй уагъд æрцыдысты цалдæр ахуыры, цæмæй сбæрæг кæной пластикон чъизидзинад, кæцыты фæстиуæг равдыста, цæмæй цæугæдæтты цы бырæттæ æмбæлы, уыдонæн сæ 88% у пластик, кæцыты стырдæр хай сты иухаттон пластикон продукттæ. Сæ æхсæн пластикон мигæнæнты хай у бæрæггæнæн 41%», -ис фыст алфæмблайы хъахъæды æмæ хъæууон хæдзарады министрады апарахатгонд информацийы.