Гуырдзыстоны президент Михаил ХъавелашвилиТурчы республикæйы базарады министр Омер Болатимæ фембæлд.

Президенты администрацийы информацимæ гæсгæ, Михаил Хъавелашвили фембæлдыл банысан кодта, цæмæй Гуырдзыстон стыр нысаниуæг дæтты дыууæ бæстæйы æхсæн стратегион партнердзинадæн, кæцы бындуриуæг кæны æууæнкдзинадыл, кæрæдзийæн цыт кæныныл æмæ кæрæдзийы националон интересты хъусдардыл.

Михаил Хъавелашвилийы ныхасмæ гæсгæ, Гуырдзыстон аргъ кæны Туркы æнæфæцудгæ фарсылхæцындзинадæн Гуырдзыстоны суверенитет æмæ территорион æнæхъæндзинадæн.

Президенты администрацийы информацимæ гæсгæ, фембæлдыл Гуырдызстон æмæ Турчы æхсæн интенсивон экономикон æмкуыстдзинады фæдыл ныхас цыд.

«Уæвæг проекттæ, кæцытæн ис регионалон æмæ стратегион нысаниуæг, сты нæ бæстæты æхсæн эффективон стратегион æмкуыстдзинады, æнæфæцудгæ рæзынады æмæ æууæнкджын партнерады ирд цæвиттон. Ныфс мæ ис, цæмæй иумæйаг тыхархайдæй, экономикон ахастытæ ноджы бæрзонддæр æмвæзадмæ сисдзыстæм», -расидтис Гуырдзыстоны президент.

Михаил Хъавелашвили фембæлдыл куыд банысан кодта, афтæмæй Гуырдзыстон йæ зæрдæ дары Хуссар Кавказы регионы сабырад, стабилондзинад æмæ æууæнкдзинад парахат кæныныл диалогы, дипломатийы æмæ æмкуыстдзинады фæрцы.

Президенты галуаны уагъд фембæлды хайад райстой ахæм уазджытæ: Турчы Республикæйы Уæлвæткон æмæ Æххæстбарджын минæвар Гуырдзыстоны, Турчы республикæйы базарады министры хæдивæг æмæ æхсæнадæмон бадзырдты æмæ Евроцæдисы департаменты сæрдар, уыцы рæстæджы Гуырдзыстоны фарсæй уыдысты Гуырдзыстоны президенты администрацийы къухдариуæггæнæг æмæ президенты уынаффæгæнæг.