Келли Дегнан – Ильхам Алиевы фидиуæн уыдис тынг ныфсдæттæг, Гуырдзыстон ивгъуыды дæр сыххæст кодта медиаторы роль
Кæддариддæр тынг позитивон æмæ æвæрццаг у, регионы лидертæ кæрæдзиимæ куы фембæлынц уый, – афтæ аргъ с кодта Гуырдзыстоны АИШ-ы минæвар Келли Дегнан Азербайджаны президент, Ильхам Алиевы æмæ Гуырдзыстоны премьер-министр, Ираклий Гъарибашвилийы фембæлдæн. Уый фæдыл Дегнан загъта журналисттимæ ныхасы.
АИШ-ы минæвары бафарстой Ильхам Алиевы абоны фидиуæны фæдыл, кæцыйы уый дзырдта, цæмæй «нæм ис фадат, консультацитæ ауадзæм, Азербайджаны, Сомихыстоны æмæ Гуырдзыстоны хсæн, кæд Сомихыстон цæттæ у, уæд мах цæттæ уыдзыстæм тæккæ абон райдайæм ацы формат».
Дегнаны дзырдæй, зæгъгæ Азербайджаны президенты ацы фидиуæн у тынг ныфсдæттæг.
Уыимæ минæвар фæныхас кодта Гуырдзыстоны куыд медиаторы ролыл Азербайджан Сомихыстонæн æфсæддæтты куы адæтты уыцы фарстайы фæдыл.
«Гуырдзыстоны ролы тыххæй куы зæгъæм, куыд медиаторы, уæд нæ зæрдыл лæууы, иу афæдзы размæ Азербайджан-Сомихыстоны конфликты фæстæ бæрæг къахдзæфтæ куы уыд арызт æмæ Гуырдзыстон сыххæст кодта ролы, куы ссæрибар сты æфсæддон уацары уæвджытæ æмæ уый уыдис æнтыстджын истори Гуырдзыстонæн, куыд медиаторæн ацы процессы. Фæлæ уый æддæмæ ма, ис бирæ æндæр сферæ, кæцыйы ис гæнæн æмкуыст кæнын æмæ фылдæр диалог ацы бæстæты æхсæн, фæнды энергетикæ, экономикæ кæнæ æндæр сферæтæ, кæцы гæнæн ис ацы кæрæдзиимæ æмкуыстгæнгæйæ фæхуыздæр кæнын. Алиевы ацы фидиуæн уыдис тынг æвæрццаг, ныфсдæттæг æмæ Гуырдзыстон та ахæм роль раджыдæр сыххæст кодта» – райхъусын кодта Келли Дегнан.