«Картули Оцнебайы» парламенты цур плангонд æмбырдмæ  æмбæстгæты  æрласдзысты регионтæй. Зугдиды  муниципалитеты  мер Мамука Цъоцъериа  журналисттæн загъта  цæмæй  Тбилисы  плангонд æмбырдмæ  Зугдидæй фондз мины онг  адæймаг баиу уыдзæн.

«Ац адæймæгты стыр хай хæдорганизацигондæй  æрымбырд сты.  Уыдонмæ  ницæй хуызæн æлхъывж æмæ хъомысдарын нæ уыдис» – райхъусын кодта Мамука Цъоцъериа.

Парламенты цур «Картули Оцнебайы»  организацгонд  контракцимæ баиу уыдзысты  Потийæ  дæр.  Микроавтобустæй  æмæ рог  хæдтулгæтæй  акцийы  хайадисджытæ 11:00  сахатыл  рараст сты.  Сæ дзырдæй, зæгъгæ акцийы  хайад райсыны нысан у  националон, традицион хæнаты  бахъахъъæнын æмæ  хицауадæн йæ фарс рахæцын.

«Ис дзы спекуляци, цæвитон  кæйдæрты тыхбын бакодтой  æмæ сæ ласынц   абоны  акцимæ, фæлæ  уый сбæлвырд кæнын  æнцон уыдзæн октябры.   Ныр нысаны тыххæй куы зæгъæм,  уæд алчи разы стæм, цæмæй нæ  хъæуы европæ, фæлæ фыццаджы дæр,  Европæ  хъæуы  нæ бæстæйы   дзæбæхдзинадæн, нæ нысæнтты, гуырдзиаг нысæнттæм баххæссынæн. Уый тыххæй  та хъæуы,  цæмæй уынаффæтæ рахæссæм хæдбарæй æмæ  нын иунæг æндæр бæстæйы минæвар  не сбæрæг кæндзæн, дæнцæн  хуыздæр куыд бахъахъхъæнæм сабырдзинад,  куыд бахъахъъæнæм нæ бинонты  хæзнатæ, нæ  дин, традицитæ.  Мах зæгъæм –  цæсгомджынæй  европæмæ» –  райхъусын кодта Потийы мер Бека  Вачъарадзе.

Парламенты цур  «Картули Оцнебайы»  организацигонд сæрмагонд æмбæстæгты  ныхмæ  æппæтадæмон æмбырдмæ баиу уыдзысты  Гурæй дæр.  Æмбæстæгтæй Гуры  спорты  галуаны цур  æрымбырд сты  æмæ  автобустæй æмæ хæдтулгæтыл  рараст уыдзысты   сæйраг горæты æрдæм.   Æмбæстæгтæ Тбилисы æрдæм рацыдысты  Каспæй  æмæ Хашурæй. Сæ фидиуæнæй,  зæгъæг  разы  сты  «фæсарæйнаг æндæвдады æргомдзинады  фæдыл»  закъонопроектимæ æмæ  дзурынц, цæмæй  иунæг цауы дæр ацы закъонопроект нæ уыдзæн  бæстæйы  евроинтеграцийы  процессы  къуылымпыгæнæг.