Польшæйы президент Карол Навроцки загъта, зæгъгæ, ацы мæйы райдианы йæ бæстæйы уæлдæфон тыгъдадмæ дронты æрбабырст уыд уырыссаг империализмы дæнцæг.

«Уæрæсе Гуырдзыстонмæ йæ бабырст куы райдыдта, уæд алкæмæн дæр бæрæг нæ уыд, цæмæй уый æрмæст Кремлы ног империализмы райдайæн уыд. Хъыгагæн, историйы дымгæтæ, кæцыты мах, Польшæйы афтæ хорз зонæм æмæ æмбарæм, ногæй райдыдтой æхсын», – загъта Навроцкий ИНО-йы Генералон Ассамблейы раныхасы рæстæджы.

Уый загъта, зæгъгæ, дронты æрбабырст Польшæйы уæлдæфон тыгъдадмæ æнæнхъæлæджы нæ уыд.

«Дæсгай дронтæ æнæбары фехæлдтой мæ бæстæйы арæнтæ. Уый æнæнхъæлæджы цау нæ уыд. Уый æрцыд уыцы бæстæйы сæйраг сахары бардзырдмæ гæсгæ, кæцы ИНО-йы Æдасдзинады Советы иудадзыг уæнг у», — загъта Навроцкий.

Навроцкийы ныхæстæм гæсгæ, цау Польшæйы дыккаг дунеон хæсты фæстæ фыццаг хатт знаджы нысæнттæм æхсын бакодта.

“Уырнæг ут,  куыд гарзджын тыхты сæйраг командæгæнæг æмæ куыд Польшæйы президент, Польшæ кæддæриддæр дзуапп дæтдзæн æмбæлонæй æмæ цæттæ у йæ территори бахъахъхъæнынмæ. Уæрæсейы дзуаппдæттæн хъуамæ уа нæ иумæйаг хæс”, – загъта Навроцкий.