Евроцæдис Ника Мелиайы  цъынды  кæй бафыста  уымæй  бæрæг у, куыд стыр у интерес   Гуырдзыстоны æрдæм,  цæмæй   поляризаци, тынгад  федых уа, алчи ахиза   парламентмæ кусынмæ  æмæ адарддæр кæна  уыцы куыст, кæцыйæ аккаг сты сæ мандаттæ – уый фæдыл   Гуырдзыстоны  парламенты сæрдар  Каха Кучъава  райхъусын кодта.

Кучъавайы  фидиуæнæй, зæгъгæ Шарль Мишелы  бавдыст пунктты  сыххæст у  уыцы æнæмæнгхъæугæ домæн, кæцы хъуамæ  уа сæ куысты сæйраг   райдайæн  алы  политикæн.

«Уый хъуамæ уа сæ куыст райдайæн    алкæмæн сæ нымæцы Ника Мелиайæн, кæцы, ахæстонæй  куы  рацæудзæнис,  æнæмæнгæй  хъуамæ   бацахса  йæ бынат  парламенты  æмæ   адарддæр кæна  кусын.  Ника Мелиа  цæй  зæгъын æй хъæуы нæу  политикон миниуджытæй ахæст. Ника Мелиайы  хъуыддаджы фæдыл тæрхондон нырма  уынаффæ нæ рахаста, æмæ нырма никæй  тыххæй  у  нæ бон  зæгъын,  у æви нæ аххосджын.  Ам дзырдæуы  цъындыйы тыххæй æмæ  цъынды  слæууыд  уыцы  конкретон  факты фæстæ,   кæцы  сыххæст ис æргомæй,  дзыллæйы  раз  æмæ   уый расайдта   æмбæлгæ барадон    реакци. Тынг стыр размæ  арызт къахдзæф у  Евроцæдисы æрдгæй  æмæ  хъуамæ  йæ уый нысаныл банымайæм, цæмæй  сæ фæнды Гуырдзыстоны  поляризаци кæрон скæнын,  тынгад федых кæнын, алчи йæ бынатмæ  æрыздæха æмæ   парламент адарддæр кæна кусын» –  райхъусын кодта Каха Кучъава.

Гуырдзыстоны Евроцæдисы  минæварады  информацийæ, Ника Мелиайы  цъындыйы  суммæ  40 мин  лоари бафыстой. Уый фæдыл Евроцæдисы  минæварады  веб-фарсыл  8 майы   публикацигонд фидиуæны мидæг дзырдæуы.