Тбилисы мэр Каха Къаладзе сиды, цæмæй хицаугæнæг командæ активонæй цæттæ кæны бынæттон хиуынаффæйады æвзæрстытæм æмæ æндæр  æвзæрстыты ауадзыны фæдыл  нæ цæуы ныхас.
Актуалон фарстæн дзуапп дæтгæйæ куыд загъта, афтæмæй парламентон æвзæрстытæ уагъд æрцæудзысты 2028 азы, бæстæйы конституцийы нысангонд куыд у, афтæмæй.
Йæхи аргълæвæрдмæ гæсгæ, оппозицийæн бынæттон хиуынаффæйады æмвæзадыл уæлахизы шанс нæй, растдæр парламентон æвзæрстыты хуызæн.
«Оппозицийæн уæлахизы шанс нæй, нæдæр горæтон советты æмвæзадыл, нæдæр мэры æвзæрстыты. Сæ шанстæ нулы сты æмæ уый тынг хорз зонынц, уымæн æмæ бæстæйы знаг, агент куы уай, уæд дын, кæй зæгъын æй хъæуы, политикон цæстæнгасæй исты æнтыстдзинад райсыны фадат нæ уыдзæн. æмбæлон дзуапп ратдзæн алы гадзрахатæй цæуджытæн æмæ уагдоны минæвæрттæн» – банысан кодта Тбилисы мэр.
Оппозицион партиты бынæттон æвзæрстыты хайадисты фарстамæ та цы хауы, Каха Къаладзе æмбарын кæны, цæмæй уый аразгæ у уымæй, цавæр инструкцитæ райсынц бæстæйы æддейæ.
“Уый аразгæ у, цы сын зæгъдзысты сæ хицæуттæ æддейæ. Уæ зæрдыл дарут ацы адæймæгты расидæнтæ – кæд æмæ сæ хицæутты ахаст аивдзæн æмæ уыдонæн æнæмæнгхъæуæгыл банымайой æвзæрстыты хайад райсын, уæд, кæй зæгъын æй хъæуы, рацæудзысты æмæ зæгъдзысты ныхмæвæрд, æвзæрстыты кæй архайынц”, — банысан кодта  мэр.