Бидзина Иванишвилийы ныхмæ шантаж у хуымæтæг политикон фæндон, кæцыйы тæрхондон æххæст кæны æнæформалон хицæутты бахæсæй – уый фæдыл Тбилисы мэр,  «Гуырдзиаг Бæллиццы» бындурæвæрæг, Бидзина Иванишвилийы,  Лондоны цæугæ тæрхондоны процессыл  ныхасы рæстæджы расидтис.

Каха Къаладзейы ныхасмæ гæсгæ, снысангонд процесс ногæй рамбулдзæн, куыд раздæр процесстæ, фæлæ æххæстгæнæн æвæццæгæн нæ сыххæст уыдзæн.

«Бидзина Иванишвилийы ныхмæ шантаж дарддæр кæны. Æппæт уыдæтты нысан уыд,  бæстæйы интересты фæцудын, фæлæ уый  принципиалон позици райста, уымæн æмæ хъуыддаг хауд бæстæмæ æмæ йæ фидæнмæ. Уымæ гæсгæ, нæ командæ дарддæр кæны ацы принципыл архайын. Мах аразæм ахæм къахдзæфтæ, кæцытæ, фыццаджы дæр, Гуырдзыстоны æмæ адæмы интерестæ нымайынц.

Абон алчидæр ирдæй уыны, шантаж кæй цæуы æмæ йыл дызæрдыг ничи уал кæны. Иванишвили алы инстанциты цы тæрхондоны хъуыддæгтæ уыд, уыдон иууылдæр рамбылдта, фæлæ йын æхца фæстæмæ нал æрыздахтой. Æвæццæгæн, ахæм ахаст уыдзæн уæлдæрбанысангонд тæрхондоны процессыл дæр – Бидзина Иванишвили хъуыдтагы фæуæлахиз уыдзæн, фæлæ æххæстгæнæн æвæццæгæн нæ сырæздзæн. Уый у хуымæтæг политикон фæндон, кæцы æххæстгонд цæуы æнæформалон хицæутты амындмæ гæсгæ. Зонæм цавæр процесстæ цæуы – ис æнæформалон хицауиуæггæнджытæ, кæцытæ дунейы хицауиуæг кæнынц» – банысан кодта Каха Къаладзе.

Уымæй дарддæр ма, сæйраг сахары мэр афтæ дæр дзуапп радта журналисты фарстæн, Бидзина Иванишвилийы адвокаты фыстæджы фæдыл, кæцыйы америкаг санкциты фæдыл дзырд цæуы.

«Цыфæнды дæр йæ схонут – санкцитæ кусынц æви нæ. Уымæн  махæн ницы нысаниуæг ис, нæ бæстæйы интерестæ æмæ фидæн сты фыццаг бынатыл. Иуæй-иу европæйаг бæстæтæ дæр махыл санкцитæ сæвæрдтой, æмæ махæн нæ бон нæу уыцы конкретон бæстæмæ бацæуын. Бæстæйы интерестыл куы дзурæм, уæд ам санкцитыл дзурын нæ хъæуы. Мæнæн Балтийы бæстæтæы сæрибарæй змæлыны фадат  куы уаит, уæд хъуамæ мæ бæстæйы интерестæ ма нымайон, баиу уон санкцитæм, кæцыйæ зиан  æрхæсдзæн  гуырдзиаг адæмæн, гуырдзиаг экономикæйæн, паддзахаддзинадæн æмæ а.д. Дунейы æнæраст процессты фоныл, нæ бæстæйы интерестæ хъуамæ бахъахъахъæнæм” – расидтис Къаладзе.