Тбилисы мэр Каха Къаладзе расидтис, цæмæй хицауад нæ спайда кодта тобæгонд буарадтæй ивгъуыд азы протестон акцитæ ныппырх кæнынæн.

Къаладзейы ныхасмæ гæсгæ, алцыппæт уый Гуырдзыстоны ныхмæ кампани у.

«Уый у тынг стыр мæнгдзинад æмæ мæнг кампани, кæцы фыццаг хатт нæу. Нæ зæрдыл лæууы бирæ ахæм факттæ æмæ спекуляцитæ. Снысангонд фактыл  фæдагуырд райдыдта. Зæгъæн ис, цæмæй тобæгонд буарадæй  нæ уыд пайдагонд. Банхъæлмæ  кæсæм  фæдагуырдмæ, кæцыйы алцыдæр сбæлвырд уыдзæн факттæй æмæ конкретон иртасæнтæй», -расидтис Каха Къаладзе.

Мэры ныхасмæ гæсгæ, уый у барæй арæзт провокаци, кæцы фыццаг хатт нæу.

«Æнæбары мæнг ныхæстæ куы парахат кæнынц, мæнгдзинадыл бындурæвæрдæй, æнæ факттæй, æнæ бæлвырдгæнæнтæй – уый у бæстæйы ныхмæ бафæлвæрд. Уæддæр афтæ дзырдтой, цыма  Саакашвилийы фæхъæстæ кодтой  æмæ мæйты дæргъы цыд гæды кампани бæстæйы ныхмæ, фæлæ ницыхуызон факт нæ уыд. Уый уыд пиар-кампани нг кампани цыд мæйты дæргъы, кæд æмæ нæ уыд бæлвырдгæнæг факт. Уый æцæгæй дæр уыд пиар-кампани, кæцыйы  æхца уыд фыст, кæцы фæстæдæр рабæрæг ис. Ныр аналогион спекуляци цæуы ВВС -йы æрдыгæй”  — банысан кодта мэр.