Мæй æмæ æрдæг улæфты фæстæ, Эргнеты инцидентты превенцийы æмæ реагирдзинады механизмы фæлгæтты уагъд цæуы 121-æм фембæлд.

ПÆК-ы аналитикон департаменты директоры хæдивæг Ираклий Антадзе фембæлды размæ куыд расидтис, афтæмæй абон æруынаффæ кæндзысты дихгæнæг хаххыл æрцæугæ инциденттыл, се æхсæн æнæзакъонон арæнæвæрды æмæ æмбæстæгты ахсты факттыл.

«Мах æруынаффæ кæндзыстæм æппæт цаутыл, кæцытæ æрцыд раздæры фембæлдæй абоны онг. Гуры æмæ Карелы муниципалитетты æнæзакъонон арæнты аст цау сфиксир ис. Уыдис дзы афтæ хуынæг Зынгсирвæзтæй хъахъхъæныны хаххы дæргъмæ æмæ ма цалдæр хайы дæр æвæрд æрцыдысты ирон цæджындзтæ. Æнæзаконон ахстмæ та цы хауы, æхсæз æмбæстаг æнæзакононæй ахст æрцыд. 10-æм сентябры дыууæ фæсарæйнаг æмбæстаджы æрцахстой. Таджикистаны æмбæстæгты ныридæгæн ссæрибар кодтой. Фыд æмæ фырт Джохадзе дæр æрцахстой. Фыд, кæцы у ацæргæ, ссæрибар кодтой. Ацы рæстæгмæ ахстæй баззадысты Гуырдзыстоны дæс æмбæстаг. Куыст цæуы, цæмæй Гуырдзыстоны æмбæстæгты ссæрибар кæной æмæ куыд гæнæн ис афтæ тагъддæр сæ бинонтæм æрыздахой», – расидтис фембæлды райдайæны размæ паддзахадон æдасдзинады куысты аналитикон департаменты директоры хæдивæг Ираклий Антадзе.