АИШ-ы паддзахадон  нымæрдар, Энтони Блинкен   Иран æмæ Израилмæ  эскалаци маруадзынмæ, æрмæст «Хамасы»  ног лидермæ  та   бадзырдтæм  рацæуынмæ æрсидтис. Йæ дзырдæй, зæгъгæ Иран  æмæ Израил хъуамæ  сæхи бахизой   Æввахс  Скæсæны конфликты эскалацийæ.

«Мачи  хъуамæ  фæкарз кæна   конфликт. Мах уадзæм   интенсивон   дипломатон куыст æмцæдисонтимæ æмæ партнертимæ иумæ,   хæццæ кæнæм ацы хъуыды   комкоммæ Иранмæ.   Мах ацы   æрвитæггæгтæ  афтæма  фæхæццæ кодтам   Израилмæ дæр.   Дарддæры  бырстытæ  æрмæст   рæзын кæнынц  тæссаг фæстиуджыты азар, кæцыты  прогноз саразын     никæмæн у йæ бон æмæ контролы  хъом  дæр ничи у. Æнæмæнг хъæугæ у регионы  алчи  саргъ кæна   уавæрæн,  æрымбарой  рæдыды риск æмæ  райсой  уынаффæтæ, кæцытæ   æндыгъддзинад  ифтыгъд уадздзæн  ныттынггонд  уавæр», –   райхъусын  кодта  Блинкен.

АИШ-ы  паддзахадон нымæрдар   афтæдæр сдзуапп кодта   «Хамасы»  политикон  базыры ног  лидерæй Яхья  Синвары  снысан кæнынæн.  Блинкены дзырдæй,  Синварæн  йæ бон у Газæйы секторы   æхст фæурæды фæдыл бадзырд  сæнæмæт кæнын.

Афтæма  йæ дзырдæй,  Газæйы  секторæй  Израилаг   уацайрæгты   ссæрибары фæдыл   бадзырдтæ  «Хамасы» лидер Исмаил  Ханьяйы   марындзинадмæ нæкæсгæ, дарддæр кæны  æмæ финалон стадийы  ис.

Уæдмæ  «Таймс оф Исраэл»  куыд  фыста,  афтæмæй  уацайрæгты   ссæрибары фæдыл  бадзырдтæ  урæд сты æмæ  стæй  хъуамæ ранæуæг уа, Иран  «Хамасы» лидер Исмаил Ханьяйы  марындзинады   дзуаппон  къахдзæфтыл  уынаффæ  куы  рахæсдзæн,  æрмæст «Хамас»  ног  лидеры  сывзардзæн.

Бæрæгдзырдæн, Иран «Хамасы»  лидер Исмаил  Ханьяйы   марындзинады  Израилы   зылынджын   кæны æмæ æнæфевгъуыйигæ  дзуаппæй  æртхъирæн кæны. Израилмæ «Хесболайы»  æфсæддон  бæрзонд гæс  Фуад Шукрийы   марындзинады тыххæй   маст сисынæй   æртхъирæн кæны   Ливаны архайæг  къорды   лидер Хасан Насрала дæр.