Украинаг компани  «Энергоатомы»  информацийæ, Запорожьейы   атомон электростанцæйы куыст æххæстæй  урæд у.  Компанийы  хъусинагæй,   сыххæст ис  Запорожьейы   атомон   электростанцæйы  6-æм  энергоблокы   электрохызагæй   раиу, æмæ   цæуы цæттæдзинад йæ   суазал кæнынæн æмæ йæ  уазал  режиммæ  аргъæвынæн.

Компанийы  куыд хъусын кæнынц афтæмæй,  фæстаг периоды  6-æм энергоблокæй  энергий цыдис æрмæст станцæйы  хъуындзинæдтæм, уымæн æмæ   уырыссаг   фарсы  бомбæкæлдтыты  тыххæй базиан  ис  алы  коммуникацион   хахх  атомон   электростанцæйы  æмæ  Украинайы   энергосистемæйы  æхсæн.

«Энергоатомы»  банысан кодтой, цæмæй ныр   станцæйы   куыст   æххæст цæуы   дизелы генератортæй  лæвæрд энергийæ, цæй тыххæй дæр  хъæуы дизелы артагы уæлæмхас   партитæй  ифтонгад, цæмæй   адарддæр уа  станцæйы   æдасæй куыст.

Запорожьейы   атомон   электростанцæ  цæугæ  азы  мартæй  уырыссæгты контролы бын ис,  фæлæ  йæ кусын кæны украинаг  персонал.  Фæстаг периоды   станцæйы  территорийыл  бомбæкалды  фæарæхы  тыххæй,   кæцыйы дæр дыууæдæр фарс  кæрæдзи аххосджын кæнынц,  бынатыл   ИНО-йы   атомон  энергийы   æхсæнадæмон    агентады ныццыд  æмæ æдасдзинады  тыххæй, алфæмбылай территорийыл демилитаризацийы зонæ саразын æркуырдта.