Фæлварæны процесс ацы аз иугонд националон фæлварæнтæй абон райдыдта.

Бæрæггæнæн æмæ фæлварæнты националон центры информацийæ, иугонд националон фæлварæнтæ бæстæйы масштабæй 24 фæлварæны центры иу рæстæджы уагъд цæуынц.

Фыццаг фæлварæн абитуриенттæ ратдзысты гуырдзиаг æвзаг æмæ литературæйæ.

Иугонд националон фæлварæнтæ 22-æм июлы ахицæн уыдзысты нывгæнæн æмæ æххæстгæнæн фæлварæнæй.

Ахуыргæнæджы фæлварæнтæм чи ныффыста, уыдон архайдзысты фæлварæны процессы 8 июлæй. 10 июлы уагъд æрцæудзæн студентон гранты конкурс. Магистратурæйы кандидаттæ ратдзысты иумæйаг магистратурæйы фæлварæн 21 æмæ 22 июлы.