Алфæмблайы хъахъæды æмæ хъæууон хæдзарады министр Давит Сонгъулашвили  сæны шоуы ист къорды уæнгтимæ фембæлд.

Медийы минæвæрттæ цæттæ кæнынц уæрæх истори гуырдзиаг сæны фæдыл, кæцы афæдзы кæронмæ æппæт V is for Vino платформæтыл – официалон веб-фарсыл, социалон медийы каналтыл, кабелон телеуынынады канал ReachTV-йыл æмæ æнæхъæн АИШ-ы масштабæй 90-æй фылдæр аэропорты уыдзæн æвæрд.

«Фæстаг азты гуырдзиаг сæны экспорт АИШ-мæ æнæрлæугæйæ рæзы. Уымæ гæсгæ, АИШ-ы базарæн нысанмæздæхт маркетингон кампанитæ сты уæлдай хъæугæ, цæмæй гуырдзиаг сæны тыххæй æмбарынад фæбæрзонддæр уа. Æхсызгон мын у, Националон Сæны Агентадимæ æмгуыстады фæрцы, V is for Vino кæй куыста Гуырдзыстоны ацы здæхты æмæ, æнæхъæн бæстæйы интенсивон кинонывты фæстæ, АИШ-ы цæрæг адæм Гуырдзыстоны культурæйы тыххæй базондзысты йæ алы платформæйы фæрцы», — загъта министр фембæлдыл.

Киноисæн къорды уæнгтæ Гуырдзыстоны æндæр æмæ æндæр рæтты сæны нæуутæ бабæрæг кодтой. Фембæлды куыд фæбæрæг кодтой, афтæмæй куысты процесс рауад дзæвгар фæстиуæгджын æмæ цымыдисон.

Сæдæгай мин телекæсæг гуырдзиаг сæны фæдыл историмæ базонгæ уыдзæн, кæцы æфтауц фадат дæтты АИШ-ы базары гуырдзиаг сæны позици фæтыхджындæр кæнынæн.

АИШ-ы плангонд маркетингон кампанийы фæлгæтты, Националон сæны агентады æмæ агентады контрактгæнæг, америкаг маркетингон компани Colangelo & Partners-ы æххуысæй, сæны шоу V is for Vino-йы кинонывгæнæг къорд къуыри арвыста Гуырдзыстоны. Банысанкæнинаг у уый, æмæ АИШ у иуæй-иу стратегион экспортон базарад гуырдзиаг сæнæн, цыран Националон Сæны Агентад 2013 азæй æххæст кæны нысанмæздæхт маркетингон архайд. Фæстаг азты, Националон Сæны Агентады инициативæйæ, рекламæйы кампанитæ фæтыхджындæр сты ахæм æндæвдадджын медийы фæрæзтæй, куыд CBS, CNN, The New York, Winethust, æмæ уый фæфылдæр ис АИШ-ы гуырдзиаг сæны уæйты. 2024-æм азы экспорт историон максимуммæ баххæсыд 1,2 милуан литрмæ, кæцы 2023-æм азимæ абаргæйæ 32% фылдæр у.