Гуырдзыстоны премьер-министр Ираклий Къобахидзе ахуырады, зонады æмæ фæсивæды министр Гиви Миканадзе , æттаг хъуыдтæгты министр Мака Бочъоришвили æмæ Украинæимæ парламентон хæлардзинады къорды къухдариуæггæнæг Гиорги Кахианиимæ иумæ фембæлд украинаг скъоладзаутимæ, кæцытæ Гуырдзыстоны хицауады финансон æххуысæй сæрдыгон лагеры улæфынц.

Хицауады Сæрдар æмæ министртæ ныхас кодтой сывæллæттимæ æмæ сæ сихорыл суазæг кодтой.

Лагеры 30-æм июнæй 20-æм июлмæ украинаг сывæллæтты дыууæ къордæн фысым кæнынц, се æхсæн украинаг æфсæддон службæгæнджыты сывæллæттæ æмæ хæсты ветеранты сывæллæттæ.

Украинæйы скъоладзаутæ дыууæ къуырийы дæргъы алыгъуызон культурон, ахуырадон æмæ хиирхæфсæн мадзæлтты архайынц. Афтæ дæр сын арæзт цæуынц экскурситæ Тбилисмæ, Сигънагимæ æмæ Бодбемæ.