Хицауад æххæстæй хъахъхъæндзæн Гуырдзыстоны националон æмæ демографион интерестæ æмæ æрмæст ахæм уавæрты æххæстгонд æрцæудзæн алы проект, кæцы Гуырдзыстонæн экономикон прогресс æмæ нæ бæстæйы цæрджытæн фылдæр дидинæфтыд æрхæсдзæн – уый фæдыл Гуырдзыстоны премьер-министр Ираклий Къобахидзе расидтис.

Премьер-министры ныхасмæ гæсгæ, хицауад цæттæ у дзуапп раттын алы фарстæн, кæцы хауы «Игл Хиллз»-имæ бафыстгонд бадзырды принципон фарстытæм, æмæ иумæйаг рæзынады пълан фидаргонд æрцæудзæн æргомæй, закъонæй снысангонд процедурæтæ æххæст кæнгæйæ.

«Контрактæн коммерцион сусæгдзинады статус дæттыны тыххæй та, ацы факт бындуриуæг кæны, иуæрдыгæй, Гуырдзыстоны закъондæттынадыл, иннæрдыгæй та æхсæнадæмон практикæйыл. Паддзахадæн йæ æмбæстæгтæй æмбæхсынæн ницы ис æмæ цæттæ у контрактмæ гæсгæ алы фарстайæн дæр дзуапп раттынмæ. Фæлæ цыфæнды коммерцион компанийы интерестæм гæсгæ у контракты лыстæгдзинæдтæ бахъахъхъæнын, цæмæй иннæ потенциалон партнертимæ фидæны бадзырдты рæстæджы фылдæр сæрибардзинад уа. Уый у иунæг аххосаг, цæмæй контрактæн лæвæрд æрцыд коммерцион сусæгдзинады статус. Куы зоны æппæт уыдæттæ æмæ йæ парти нырма дæр спекуляци кæны ацы темæйыл, уæд нæй гæнæн æмæ ма бахъуыды кæнæм, цас уæззау у фæсарæйнаг агенты хъысмæт ноджы иу хатт фæлхатт кæнын, цæмæй мах цæттæ стæм дзуапп раттын цыфæнды фарстатæн, кæцытæ æххæст кæнынц иумæйаг рæзынады план. Экономикæ æмæ профилон муниципалитеттæ, æргомæй, закъонæй нысангонд æппæт стандартон процедурæтæм гæсгæ.

Мæн фæнды мæ зæрдыл æрлæууын кæнон мæнг ксенофобон кампани, кæцы æртæ азы размæ райдыдта Гуырдзыстоны «русификацийы» æмæ националон æдасдзинады фæцудыны тыххæй. Уæд мах дзырдтам цæрджытæн, зæгъгæ, алцыдæр ис паддзахады дæлбар æмæ ныфс бавæрдтам, нæдæр Гуырдзыстоны «русификаци» кæй æрцæудзæн, нæдæр бæстæйы националон интерестæн исты тæссагдзинад кæй æвзæрын кæндзæн. Хицауад æххæстæй хъахъхъæндзæн Гуырдзыстоны националон æмæ демографион интерестæ æмæ æрмæст ацы уавæрты æххæст æрцæудзæн алы уыцы проект, кæцы Гуырдзыстонæн экономикон прогресс æрхæсдзæн æмæ нæ бæстæйы цæрджытæн фылдæр дидинæфтыд æрхæсдзæн» – расидтис премьер-министр.