Гуырдзыстоны премьер-министр Ираклий Къобахидзе АИШ-ы æмæ Венгрийы ног снысангонд минæвæрттимæ, афтæ дæр Евросоветы Гуырдзыстоны ног иудадзыг минæваримæ фембæлд. Уый фæдыл Гуырдзыстоны хицауад расидтис.

АИШ-ы Гуырдзыстоны уæлвæткон æмæ æххæстбарджын минæварæй Тамар Талиашвили снысан ис, Венгрийы Гуырдзыстоны минæварæй Николоз Лалиашвили, Евросоветы Гуырдзыстоны иудадзыг минæварæй та Хатиа Цилосани.

«Хицауады администрацийы арæзт фембæлдыл, премьер дипломаттæн раарфæ кодта сæ мисситы райдайæны фæдыл æмæ сын йæ цæст бауарзта æнтыстытæ.

Талиашвили Тамарæн бирæ азы фæлтæрддзинад ис дипломативон куысты, паддзахадон секторы æмæ ахуырадон тыгъдады. Евросоветы Гуырдзыстоны иудадзыг минæвары бынат ахсы 2022 азæй, лæвæрд æрцыд дипломативон ранг уæлвæткон æмæ æххæстбарджын минæвары. Талиашвили Тамар Гуырдзыстоны парламенты æмæ Тбилисы горæтон советы уæнг уыд.

Николоз Лалиашвили Казахстаны Республикæйы Гуырдзыстоны уæлвæткон æмæ æххæстбарджын минæвары бынат ахста. Ис ын бирæазон фæлтæрддзинад паддзахадон секторы, се æхсæн Гуырдзыстоны хихъахъæнады министрады æмæ æдасдзинады советы куысты, парламенты уæнг дæр уыд.

Цилосани Хатиа уыд Гуырдзыстоны парламенты уæнг, ис ын æхсæнадæмон организациты куысты фæлтæрддзинад. Æндæр æмæ æндæр азты, алфæмблайы хъахъæды æмæ хъæууон хæдзарады министрады разамонæг бынæтты куыста, се æхсæн министры хæдивæгæй дæр», -ис фыст хицауады рапарахатгонд информацийы.