Гуырдзыстоны премьер-министр Ираклий Къобахидзе æмæ хицауады делегацийы официалон визит Венгримæ фæцис.
Премьер дыууæбонон официалон визитæн хатдзæгтæ сарæзта медийы раз. Ираклий Къобахидзе куыд банысан кодта афтæмæй, Гуырдзыстон-Венгрийы æхсæнхицауадон саммиты фæлгæтты, æппæт æрдæм æмкуыстдзинады перспективæтæ бакастысты, афтæ дæр политикон ахастыты, афтæ дæр базарадон-экономикон, культурæйы, ахуырады æмæ хъæууон хæдзарады фадгуыты æмкуыстдзинад рæзын кæныны фæдыл къорд меморандум бафыстой.
«Гуырдзыстон-Венгрийы æхсæнхицауадон саммиты фæлгæтты æруынаффæ кодтам æмкуыстдзинады перспективæтыл абсолютонæй алы фадыджы.Хицауад практиконæй æнæхъæнæй æрцыд Будапештмæ.Министртæ фембæлдысты сæ коллегæтимæ, цæмæй æруынаффæ кæной куыд алы фадыджы баххæстгонд прогресс афтæ дæр фидæны меморантыл, кæцытæ цыппар фадыджы дæр къухфыст æрцыдысты. снысан кæнын конкретон секторты æмкуыстдзинады фæарфдæр кæнын» – банысан кодта Ираклий Къобахидзе.
Гуырдзыстоны премьер-министрæн Венгримæ официалон визиты фæлгæтты, Кармелитты галуаны официалон арфæйы церемони сырæзт. Венгрийы премьер-министр Виктор Орбан гуырдзиаг коллегæйæн фысым кодта лæгæй-лæгмæ фембæлдæн, цæй фæстæ дæр дыууæ бæстæйы премьер-министрты æмсæрдариуæгæй уагъд æрцыд Гуырдзыстон-Венгрийы æхсæнхицауадон саммиты дыккаг рабадт. Хицауады сæрдартæ сарæзтой иумæйаг пресс-конференци. Официалон визиты фæлгæтты, Гуырдзыстоны хицауады сæргълæууæгæн суазæг кодтой Венгрийы президент Тамаш Шуйок æмæ националон ассамблейы сæрдар Ласло Ковер.