Раст 9  азы  азмæ Гуырдзыстон Евроцæдисы ассоциацигонд уæнг ссис. Ацы  историон   фæзынд  бындур æрывæрдта  æндæр  æнтыстытæн,  фæдфæдон змæлдæн  Евроцæдисмæ Гуырдзыстоны   интеграцийæн, – уый фæдыл   Гуырдзыстоны премьер-министр   Ираклий Гъарибашвили   фыссы «Фейсбукы».

Хицауады сæрдар  куыд банысан кодта афтæмæй,  сæрибар  базарады  фæдыл бадзырд  ратта фадат гуырдзиаг   амалиуæгдæрттæн, продукци Евроцæдисмæ  цыфæнды  барьертæй  цух   аласынæн.

«Базарады иудадзыгæй  рæзгæ  динамикæ  рахатинаг  фæстиуджытæ  дæтты  нæ  адæмы   дзæбæхдзинадæн. Нæ æмбæстæгтæн афтæдæр сæрмагондæй   нысаниуæгджын у  гуырдзиаг  паспортæй Евроцæдисы  уæгъдибар   змæлды  фадат, кæцы æнæвизæ режимы фæдыл бадзырд æрхаста. Ивгъуыд   азы  3 марты   къух бафыстон    Евроцæдисы уæнгдзинады  Гуырдзыстоны   куырдиат. Ацы процессы дарддæрдзу уыд   Евроцæдисæй  Гуырдзыстонæн  европаг  перспективæ раттын; фыццаг  хатт нæ  историйы,  Европæ æргомæй æмæ  иунысанонæй    райхъусын кодта, цæмæй   Гуырдзыстон  суыдзæн    Евроцæдисы   уæнг паддзахад.   Уæдмæ дæргъвæтин  стагнацийы фæстæ, 10 азæй  къаддæр   рæстæджы  райсгæ  ацы    æнтыст нæ хицауады æмæ æхсæнады  егъау иумæйаг    тыхархайды   фæстиуæг у.  Уырны мæ, цæмæй  ацы  процесс  афæдзы  кæрон ацы  тыхархайды  нымадмæ растæй,  кандидаты  статус  раттынæй  адарддæр уыдзæн, кæцы Гуырдзыстоны Евроцæдисы  уæнгсуæвыны  скуыддзаггæнæг   этапы   райдайæнæй  фестдзæн», –   банысан кодта  премьер-министр.