IndieWire  рабæрæг кодта 15  сеппæтæй  хуыздæр аивадон фильмы, кæцы гæнæн ис  «Оскары»   номинантæй бауа.  Ныфты æхсæн  ис  гуырдзиаг режиссер  Деа Кулумбегашвилийы  фильм  «Дасацъхъиси»  (Райдайæн).

«Райдайæн»  у Дея Кулумбегашвилийы  дебютон  æххæстметражон фильм.  Уый  2020 азы  Канны  æхсæнадæмон  кинофестивалы  официалон  селекцийæ   равзæрстой.  Коронавирусы пандемийы  тыххæй,   кинофестивал нæ ацыд  традицион формæйæ, фæлæ  «Райдайæн»  фæстæдæр Канны  равдыстой  фестивалы  специалон рауагъды  фалгæтты.

«Райдайæны» Цæгат Америкæйы  премьерæ  ацыд Торонтойы  æхсæнадæмон  кинофестивалыл, кæцыйыл фильммæ лæвæрд уыд  кинокритикты æхсæнадлæмон ассоциаци  (FIPRESCI)  хорзæх.  Фильмы дунеон премьерæ  та  ацыд Сан-Себастьяны  æхсæнадæмон  кинофестивалыл. Сан Себастьяны  фильммæ лæвæрд æрцыд цыппар  хорзæх: фестивалы сæйраг приз «Сыгъзæрин хæтæлхъузг», хуыздæр режиссеры  хорзæх (Деа Кулумбегашвили), хуыздæр  артист сылгоймаджы (Иа Сухиташвили)  æмæ  жюрийы специалон  приз  хуыздæр сценарийæн (Деа Кулумбегашвили, Рати Онели).  «Райдайæн»  айстой Лагодехы  муниципалитеты – Лагодехы  æмæ  йæ алыварс хъæуты.  Фильм ист æрцыд  националон киноцентры æххуысæй.

«Оскары»  номинанттæ  фæбæрæг уыдзысты 9 февралы.