Азербайджаны президент Ильхам Алиев йæ ирайнаг коллегæ Масуд Фезешкианæн мæсæллæйы фыстæг арвыста.

«Зынаргъ  Президент, мах тынг хъыг кæнæм Ираны Исламон Республикæйы Уæлдæр Разамонæг Аятолла Сейед Али Хаменейы трагикон мæлæтæй. Мах зæгъæм нæ арф тæфæрфæс сымахæн, марды бинонтæн æмæ хæларзæрдæ ирайнаг адæмæн ацы уæззау зианы тыххæй, æмæ уын нæ зæрдæ зæгъы быхсындзинад æмæ фæразондзинад.

Аятолла Сейед Али Хаменеи бирæ азты дæргъы ахста ахсджиаг бынат Ираны паддзахады æмæ æхсæнады царды, ахста сæрмагонд бынат йæ бæстæйы политикон æмæ дины царды. Йæ мæлæт Иранæн стыр зиан у. Ацы уæззау бон нæ зæрдæ зæгъы хæларзæрдæ æмæ æфсымæрон ирайнаг адæмæн сабырад, стабилондзинад æмæ дидинæфтыд», — дзырдæуы Алиевы фыстæгы.