Гуырдзыстоны   регбистты  æмбырдгонд  Европæйы   Чемпионаты   æрдæгфиналы, Тбилисы «Авчъалайы»  стадионыл, Румынийы   æмбырдгондæн сфысым кодта, 31:7 басаста æмæ  19 марты  Португалийы   ныхмæ  финалы  ахъаздзæн.

Регби  Европæйы  Чемпионаты финалы  балцæгæй   уæлдай ма, гуырдзиаг регбисттæ   16-æм  хатт рамбылдтой Антимоз Ивериелийы  номыл   кубок, кæцы 2002 азæй гуырдзиаг фарсы инициативæйæ   Гуырдзыстон æмæ Румынийы  фембæлдты, (Дунейы  кубокы   эгидæйæ  уагъд матчтæй цух)  цæуы  уагъд,  румынæгтæ  ацы  кубок  рамбылдтой  6  хатт.

Афтæмæй  19 марты  Испанийы  горæт  Бадахосы, регби  Европæйы   Чемпионаты  финалы, Гуырдзыстоны  æмбырдгонд  Португалиимæ  фембæлдзæн.  Фембæлд   Тбилисы рæстæгæй  23:00 сахатыл   райдайдзæн. Уæдмæ та  20:15 сахатыл, «Бронзæ финалы»  кæрæдзиимæ  схæцдзысты  Испанийы æмæ  Румынийы  æмбырдгæндтæ.